Filippianys 3:1 - An Bibel Kernewek 20234 (Kernewek Kemmyn)

¹ Wor'tiwedh, ow breder, gwrewgh lowenhe y'n Arloedh. Dhymmo vy nyns yw dihedh skrifa an keth taklow dhywgh, mes dhywgh hwi sawder yw.

Filippianys 3:1 Iomraidhean Croise

1 Kroniklys 15:28

Oll Ysrael a dhros yn-bann argh kevambos an Arloedh gans garmow, gans son korn, hirgern ha symbalys, ha son telynnow ha sowtris.

1 Kroniklys 16:10

Bostyewgh yn y hanow sans; lowenhes kolonn an re a hwila an Arloedh.

1 Kroniklys 29:22

I a dhybris hag eva a-rag an Arloedh y'n jydh na gans lowena vras. Ena i a wrug Solomon mab Davydh myghtern rag an nessa treveth hag i a'n untyas avel rewler rag an Arloedh ha Sadok avel oferyas.

Nehemia 8:10

Yn eur na ev a leveris dhedha, ‘Kewgh, dybrewgh an blonek, hag evewgh an gwin hweg ha dannvenewgh rannow dhodho ev na'n jeves travyth parys ragdho. Sans yw an jydh ma dh'agan Arloedh: na bedhewgh grevys, rag lowena an Arloedh yw agas nerth.’

Job 22:26

ena ty a lowenha y'n Ollgalloesek, ha drehevel dha fas dhe Dhuw.

Salmow 149:2

Gwres Ysrael lowenhe yn y Wrier; bedhes mebyon Sion heudhik yn aga Myghtern.

Salmow 32:11

Lowenhewgh y'n Arloedh, ha bedhewgh heudhik, hwi an re wiryon, germewgh yn lowen, oll hwi yw ewnhynsek agas kolonn.

Salmow 33:1

Lowenhewgh y'n Arloedh, hwi an re wiryon. Gormola yw gwiw dhe'n re ewnhynsek.

Salmow 37:4

Lowenha y'n Arloedh, hag ev a re dhis govynnadow dha golonn.

Salmow 42:4

My a berth kov a hemma, ow skoellya ow enev a-bervedh ynnov; fatell gerdhyn vy gans an routh orth aga hembronk dhe ji Duw; gans lev a lowena ha grasyans, yn mysk routh ow synsi goel.

Salmow 5:11

Mes lowenhes seul a hwila skovva ynnos, kanens i rag joy bynitha, rag ty dh'aga gwitha, ha bedhes heudhik ynnos an re a gar dha hanow.

Salmow 97:1

An Arloedh a reyn, lowenhes an nor; bedhes heudhik ynysow pals.

Ysay 41:16

Ty a wra aga noetha, ha'n gwyns a's deg dhe-ves, ha'n korwyns a wra aga skattra. Mes ty a lowenha y'n Arloedh, ha bostya y'n Sans a Ysrael.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Ysay 65:14

Otta, ow servysi a gan gans lowender kolonn, mes hwi a gri yn angoes a'gas kolonn, hag oulya, trogh an spyrys.

Yoel 2:23

Ytho bedhewgh heudhik, hwi vebyon Sion, ha lowenhewgh y'n Arloedh agas Duw: rag ev re ros dhywgh an glaw a-varr rag ewnder, hag ev re dhros glaw yn-nans ragowgh: glaw a-varr ha glaw diwedhes kepar hag y'n dalleth.

Sefania 3:14

Kan yn lowen, a vyrgh Sion; kri gans joy, a Ysrael; bydh lowen ha fest heudhik a leun golonn, a vyrgh Yerusalem.

Sefania 3:17

An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,

Zekaria 10:7

Efraym a vydh avel kasor galloesek, ha'ga holonn a vydh heudh avel gans gwin. Aga fleghes a'n gwel hag a vydh heudh; aga holonn a vydh lowen y'n Arloedh.

Matthew 5:12

Lowenhewgh ha bedhewgh pur heudhik, rag meur yw agas gober y'n nevow, rag yndella y hwrussons helghya an brofoesi neb a veu kyns agas prys hwi.

Luk 1:47

ha'm spyrys re lowenhas yn Duw ow Selwyas,

Romanyon 5:11

Yndella ha nahen, mes ni a vost yn Duw der agan Arloedh Yesu Krist, may kevsyn dredho lemmyn agan unnverheans.

2 Korinthianys 13:11

Gordhiwedh, breder, lowenhewgh; gwrewgh agas honan perfydh, kennerthewgh an eyl y gila, bedhewgh unnverhes, bedhewgh yn kres; ha'n Duw a gerensa hag a gres a vydh genowgh.

Efesianys 6:10

Wor'tiwedh, bedhewgh krev y'n Arloedh, hag y'n nerth a'y alloes.

Dewteronomi 12:18

Ty a'n deber a-rag an Arloedh dha Dhuw, y'n tyller a wra an Arloedh dha Dhuw y dhewis, ty ha'th vab ha'th vyrgh, ha'th was ha'th vaghteth, ha'n Levyas usi a-berth y'th yetys; ha hwi a lowenha a-rag an Arloedh dha Dhuw yn pup-tra may hworrydh dha leuv warnodho.

Dewteronomi 16:11

Ty a lowenha a-rag an Arloedh dha Dhuw, ty, ha'th vab, ha'th vyrgh, ha'th was, ha'th vaghteth, ha'n Levyas usi y'th yetys, ha'n alyon, ha'n omdhivas, ha'n wedhwes usi yntredhowgh y'n tyller a wra an Arloedh dha Dhuw y dhewis, dhe wul dh'y hanow triga ena.

Filippianys 3:3

Rag yth on ni an gwir drodreghyans, neb a wra gordhya dre Spyrys Duw ha bostya yn Krist Yesu, heb trestya y'n kig –

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

Filippianys 4:8

Wor'tiwedh, a vreder, pypynag a vo gwir, pypynag a vo onest, pypynag a vo gwiryon, pypynag a vo glan, pypynag a vo plegadow, pypynag a vo gerys-da, mars eus vertu, mars eus gordhyans, prederewgh a'n taklow ma.

1 Thessalonianys 4:1

Wor'tiwedh ytho, a vreder, ni a'gas pys ha keski y'n Arloedh Yesu, kepar dell dhegemmersowgh dhiworthyn ni fatell goedh dhywgh kerdhes ha plegya dhe Dhuw, kepar dell gerdhowgh dhe wir, may palshahowgh dhe voy.

1 Thessalonianys 5:16

Lowenhewgh pup-prys.

Jamys 1:2

Tybewgh pup-tra dhe vos lowena, ow breder, pan goedhowgh yn provow divers,

1 Peder 3:8

Wor'tiwedh, bedhewgh hwi oll a'n keth brys, ow keskodhevel, ow kara an vreder, truedhek, uvel,

1 Peder 4:13

Mes, ha hwi ow kevrenna godhevyansow Krist, lowenhewgh, may lowenhahowgh ynwedh yn heudhik orth diskwedhyans y splannder.

2 Peder 3:1

Hemm yw an nessa lyther, lemmyn, a skrifav dhywgh, karadowyon, hag y'n dhew anedha my a dhifun agas brys lel yn unn govhe,

1 Samuel 2:1

Ena Hanna a bysis ha leverel, ‘Ow holonn a lowenha y'n Arloedh; ow horn yw ughelhes y'n Arloedh. Ow ganow yw moghhes dres ow eskerens, drefenn my dhe lowenhe y'th selwyans.