Filippianys 2:8 - An Bibel Kernewek 20234 (Kernewek Kemmyn)

⁸ ev a omuvelhas ha dos ha bos gostydh bys yn ankow, mernans yn krows.

Filippianys 2:8 Iomraidhean Croise

Salmow 22:16

Rag keun re dheuth a-dro dhymm; kuntelles an debeles re'm keas; i re wanas ow diwleuv ha'm treys.

Lavarow Koth 15:33

Dyskans furneth yw own an Arloedh, hag uvelder a dheu a-rag enor.

Matthew 17:2

Hag ev a veu treusfigurys a-ragdha, ha'y fas a derlentris avel an howl, ha'y dhillas o mar wynn avel an golow.

Matthew 26:39

Hag ow mones nebes yn-rag, ev a goedhas war y fas ha pysi ow leverel, ‘Ow Thas, mara kyll henna bos, tremenes an hanaf ma dhiworthiv; mes na vo henna herwydh ow bodh vy saw dha vodh tejy.’

Matthew 26:42

Arta an nessa gweyth ev a omdennas ha pysi, ow leverel, ‘Ow Thas, mar ny yll hemma tremena heb my dh'y eva, dha vodh re bo gwrys.’

Luk 9:29

Hag ev ow pysi, semlans y fas a janjyas ha'y dhillas a veu kann, ow terlentri.

Yowann 10:18

Denvyth ny wra y gemmeres dhiworthiv, mes my a'n daskorr a'm bodh ow honan. Yma dhymm galloes dh'y dhaskorr, hag yma dhymm galloes dh'y gemmeres arta; my re dhegemmeras an arghadow ma dhiworth ow Thas.’

Yowann 14:31

Mes rag may hwodhvo an bys my dhe gara an Tas, ha kepar dell worhemmynnis dhymm an Tas, yndella y hwrav. Sevewgh, deun ni alemma.

Yowann 15:10

Mar kwithowgh ow gorhemmynnow, trigewgh y'm kerensa, kepar dell withis vy gorhemmynnow ow Thas ha triga yn y gerensa ev.

Yowann 4:34

Yn-medh Yesu dhedha, ‘Ow boes vy yw, my dhe wul bolonjedh neb a'm dannvonas ha dhe gowlwul y ober ev.

Oberow 8:33

Yn y sham gwirvreus a veu kemmerys dhiworto; piw a wra derivas y henedh? Rag y vewnans yw kemmerys dhe-ves dhiworth an norvys.’

Romanyon 5:19

Ytho dell veu lies gwrys peghadoryon dre dhiwostytter unn den, yndella dre wostytter unn den lies a vydh gwrys gwiryon.

2 Korinthianys 8:9

Rag hwi a aswonn gras agan Arloedh Yesu Krist, y vos ev gyllys boghosek a-barth dhywgh, kynth o rych, mayth ewgh hwi ha bos rych der y voghosogneth.

Galatianys 3:13

Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’,

Dewteronomi 21:23

na vedhes gesys y gorf dre nos war an wydhenn, mes ty a'n ynkleudh an keth jydh na, rag milligys gans Duw yw den kregys; ma na dhefolli dha dir a wra an Arloedh dha Dhuw y ri dhis avel eretons.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Ebrowyon 12:4

Yn agas strif erbynn pegh, ny omledhsowgh na hwath bys yn skoellya goes.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;