Filippianys 2:26 - An Bibel Kernewek 20234 (Kernewek Kemmyn)

²⁶ a-ban yeuni ev war agas lergh pubonan, ha troblys veu rag hwi dhe glewes y vos klav.

Filippianys 2:26 Iomraidhean Croise

2 Samuel 13:39

Ha spyrys Davydh an myghtern a yeunis mones dhe Absalom; rag ev a veu konfortys a-dro dhe vernans Amnon.

2 Samuel 24:17

Ha pan welas Davydh an el esa ow kweskel an bobel, ev a leveris dhe'n Arloedh, ‘Otta, my ow honan re beghas, ha my re wrug drog; mes an deves ma, pyth a wrussons? Hedh dha dhorn, my a'th pys, bydh er ow fynn, hag erbynn chi ow thas.’

Job 9:27

Mar lavarav, “My a ankev ow krodhvol; my a forsak ow fisment trist, ha bos yn cher da”,

Salmow 69:20

Mewl re dorras ow holonn, ha paynys bras a'm beus. My a hwilas neb a gemmerra truedh ahanav, mes nyns esa; ha konforters, mes ny's kevis.

Lavarow Koth 12:25

Prederi yn kolonn gour a boes warnodho, mes ger da a'n lowenha.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Matthew 11:28

Dewgh dhymmo vy oll hwi yw skwithys ha beghys poes, ha my a re powes dhywgh.

Matthew 26:37

Ev a gemmeras ganso Peder ha dew vab Zebede hag a dhallathas bos trist hag yn ahwer.

Oberow 21:13

Ena Powl a worthybis, ‘Pandr'a wrewgh hwi, owth oela ha treghi ow holonn? Rag parys ov vy dhe vos kelmys keffrys ha merwel yn Yerusalem a-barth hanow an Arloedh.’

Romanyon 1:11

Rag my a yeun agas gweles rag may rynniv dhywgh neb ro spyrysel dh'agas krevhe,

Romanyon 12:15

Lowenhewgh gans an re a lowenha, oelewgh gans an re a oel;

Romanyon 9:2

bos dhymm galar meur hag anken heb hedhi y'm kolonn.

1 Korinthianys 12:26

Mar kodhev unn esel, an eseli oll a wodhev ganso; mars yw enorys unn esel, an eseli oll a lowenha war-barth.

2 Korinthianys 9:14

hag i ow pysi ragowgh hwi hag ow yeuni war agas lergh drefenn an gras dres musur re ros Duw dhywgh hwi.

Galatianys 6:2

Degewgh agas beghyow an eyl a-barth y gila, hag yndella hwi a gollenow lagha Krist.

Efesianys 3:13

Rag hemma, my a'gas pys na gemmerrowgh digolonn y'm galarow ragowgh hwi; agas glori yns i.

Filippianys 1:3

Grassav dhe'm Duw yn pub kov ahanowgh

Filippianys 1:8

Rag Duw yw ow thest fatell yeunav ragowgh hwi oll yn kolodhyon Krist Yesu.

Filippianys 2:25

Mes my a dybis bos res dannvon dhywgh Epafroditus, ow broder, kesoberer ha kessouder ha'gas kannas, ha menyster a'm edhomm,

Filippianys 2:27

Dhe wir, klav ova bys yn ankow. Mes Duw a dhiskwedhas tregeredh dhodho, ha nyns esa dhodho ev yn unnsel mes dhymmo vy ynwedh, na gaffen keudh war geudh.

Filippianys 4:1

Ytho, ow breder garadow, ha my hirethek war agas lergh, ow lowena ha'm kurun, sevewgh fast yndella y'n Arloedh, a garadowyon.

1 Peder 1:6

Hag ynno hwi a lowenha, kyn fo res tristhe berr dermyn yn prevyansow pals,