Filippianys 2:15 - An Bibel Kernewek 20234 (Kernewek Kemmyn)

¹⁵ may fewgh divlam ha heb drog, fleghes heb namm a Dhuw, yn mysk kenedhel gamm ha treus, ha hwi a splann yn aga mysk kepar ha golowys y'n bys,

Filippianys 2:15 Iomraidhean Croise

Salmow 122:5

Rag ena y feu gorrys tronys breus, tronys chi Davydh.

Eksodus 34:35

Mebyon Ysrael a welas fas Moyses, bos kroghen fas Moyses ow splanna; ha Moyses a wiskas an gudhlenn arta war y vejeth, bys pan dheuth a-ji dhe gewsel ganso.

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Lavarow Koth 8:8

Oll geryow ow ganow yw gwiryon; nyns eus travyth gwius na kamm ynna.

Ysay 60:1

Sav, splann; rag dha wolow re dheuth, ha glori an Arloedh re dhrehevis warnas.

Daniel 6:4

Ena an lewydhyon ha'n wahalyethow a hwilas skila rag krodhvol war Daniel a-dro dhe'n ruvaneth; mes ny yllens kavoes skila rag krodhvol, na kammwul vyth, rag y vos len; ha ny veu kevys ynno na fowt na kammwul.

Matthew 10:16

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.

Matthew 17:17

Ha Yesu a worthybis ha leverel, ‘A henedh diskryjyk ha kammhynsek, pes termyn y fydhav genowgh? Pes termyn y res dhymm agas perthi? Dro ev omma dhymmo.’

Matthew 5:45

may hallowgh hwi bos mebyon agas Tas eus y'n nevow, rag ev a wra dh'y howl drehevel keffrys war an re dhrog ha'n re dha, hag a dhannvon an glaw war an re ewnhynsek ha'n re gammhynsek.

Matthew 5:48

Rakhenna, bedhewgh hwi perfydh kepar dell yw agas Tas a nev perfydh.

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Yowann 5:35

Ev a veu lugarn ow leski hag ow splanna, ha hwi a vynnas bos pur lowen pols yn y wolow.

Oberow 2:40

Ha gans meur a eryow erell ev a dhug dustuni ha'ga ynnia, ow leverel, ‘Bedhewgh selwys a'n henedh gorth ma.’

Oberow 20:30

hag yn-mes a'gas mysk agas honan gwer a sev ow kewsel taklow gorth rag tenna dhe-ves an dhyskyblon war aga lergh.

Romanyon 16:19

Rag agas gostytter yw aswonnys gans tus oll, bys may lowenhav warnowgh; my a vynn orthowgh bos fur dhe'n da ha gwiryon dhe'n drog.

1 Korinthianys 1:8

Ynwedh ev a wra agas krevhe bys y'n diwedh, may fowgh hwi divlam yn dydh agan Arloedh Yesu Krist.

2 Korinthianys 6:17

Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

Efesianys 5:27

may proffya an eglos dhodho ev y honan, splann, heb brith na krygh, na travyth a'n par na, saw may fe hi sans ha dinamm.

Dewteronomi 32:5

I re'n dyghtyas yn fals, nyns yns i y vebyon drefenn aga namm; yth yns i henedh gorth ha kamm.

Filippianys 1:10

rag dissernya an taklow yw an gwella, may fewgh lel ha divlam bys yn dydh Krist,

Filippianys 3:6

a-dro dhe dhiwysykter, ow persekutya an eglos; a-dro dhe ewnder y'n lagha, divlam.

1 Thessalonianys 5:23

Ha'n Dew a gres y honan re'gas sakkro yn tien; ha'gas spyrys ha'gas enev ha'gas korf kowal re bo gwithys divlam orth devedhyans agan Arloedh Yesu Krist.

1 Timothi 3:10

Ha bedhens i prevys kynsa, ha mar pydhons divlam, gwrens i gonis avel dyagonyon.

1 Timothi 3:2

Y koedh dhe epskop bos divlam, gour unn wreg, sad, doeth, onest, hel dhe westoryon, dyskador da,

1 Timothi 5:14

Ytho, my a vynn an re yowynka dhe dhemmedhi, dineythi fleghes, ha bos mestres chi, na vo ken dhe eskar dh'agan kabla.

1 Timothi 5:20

An re a begh, gwra aga heredhi a-dherag pub den oll may portho an re erell own.

1 Timothi 5:7

Ha gwra gorhemmynna an taklow ma, may fons i divlam.

Titus 1:6

nebonan heb defowt, gour unn wreg gans fleghes a grys, heb kuhudhans a vewnans avlan na direwl.

Titus 2:10

heb ladra, mes ow tiskwedhes pub lelder da, mayth afinnons dyskas Duw agan Selwador yn pup-tra.

Titus 2:15

Gwra derivas an taklow ma, hag ynnia ha keredhi gans pub awtorita. Na wres denvyth dha dhispresya.

Ebrowyon 7:26

Rag gwiw o bos dhyn arghoferyas a'n par na, sans, divlam, andhefolys, diberthys a'n beghadoryon, ughelhes a-ugh an nevow.

1 Peder 2:12

Bedhes da agas bewedh yn mysk an Jentilys; ena kyn kewsons er agas pynn avel drogoberoryon, y hyllons gordhya Duw yn dydh y dhevedhyans, pan welons agas gwriansow da.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

2 Peder 3:14

Ytho, karadowyon, a-ban esowgh ow kortos an taklow ma, bedhewgh diwysyk, dhe vos kevys ganso dinamm ha divlam, yn kres.

Diskwedhyans 2:5

Kovha, ytho, le may koedhsys anodho, ha kemmer edrek ha gwra an oberow dell wrussys kyns; poken dos dhiso yn skon a vynnav, ha gorra dha gantolbrenn mes a'y le, mar ny gemmerydh edrek.

Diskwedhyans 3:9

Otta, y hwrav gul dhedha a'n synaga a Satnas a lever aga bos Yedhewon, ha nyns yns, mes i a wowlever – otta, y hwrav gul dhedha dos dhe omblegya a-dherag dha dreys, ha godhvos my dhe'th kara.