Filippianys 1:20 - An Bibel Kernewek 20234 (Kernewek Kemmyn)

²⁰ war-lergh ow gwaytyans ha'm govenek na vydhav shamys yn travyth, mes y fydh Krist meurhes gans bolder leun avel pup-prys, hag y'n eur ma ynwedh y'm korf, po dre vewnans po dre vernans.

Filippianys 1:20 Iomraidhean Croise

Salmow 119:116

Gwra ow mentena herwydh dha lavar, may fewiv, ha na as vy dhe vos toellys y'm govenek

Salmow 119:80

Bedhes ow holonn perfydh y'th ordenansow, ma na berthiv meth.

Salmow 25:2

Ow Duw, my a drest ynnos jy, na as vy dhe berthi meth; na vedhes ow eskerens heudhik a'm govis.

Salmow 62:5

Ow enev, gorta Duw y honan, rag ynno ev yma ow govenek.

Lavarow Koth 10:28

Govenek an re wiryon a dhiwedh yn lowender, mes govenek an debeles a dhe goll.

Lavarow Koth 23:18

Y fydh termyn ow tos yn surredi, ha ny vydh dha wovenek treghys dhe-ves.

Ysay 45:17

Mes Ysrael a vydh selwys y'n Arloedh gans selwyans heb diwedh, ny'gas bydh meth na ny vydhowgh konfondys bys vykken.

Ysay 50:7

An Arloedh Duw a'm gweres, ytho ny veuv konfondys; rakhenna my re settyas ow fas avel kellester, ha my a wonn na borthav meth.

Ysay 54:4

Na borth own, rag ny' fydh sham, na vydh digolonnek, rag ny berthydh mewl; rag ty a ankev disenor dha yowynkneth, ha ny berthydh kov a vewl dha wedhowses na fella.

Yowann 21:19

Hemma a leveris, ow sygnyfia gans py par mernans y hwre ev glorifia Duw. Ha wosa leverel hemma, yn-medh ev dhodho, ‘Gwra ow siwya.’

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

Oberow 21:13

Ena Powl a worthybis, ‘Pandr'a wrewgh hwi, owth oela ha treghi ow holonn? Rag parys ov vy dhe vos kelmys keffrys ha merwel yn Yerusalem a-barth hanow an Arloedh.’

Oberow 4:31

Hag i ow pysi, an tyller mayth ens i kuntellys a veu kryghyllys, hag i oll a veu lenwys a'n Spyrys Sans, hag i a gewsis ger Duw gans kolonnekter.

Romanyon 12:1

My a'gas pys, a vreder, dre druedhow Duw, may proffyowgh agas korf avel sakrifis bew, sans, plegadow dhe Dhuw, hag yth yw agas gwir wonis spyrysel;

Romanyon 5:5

ha ny fyll govenek dhyn, rag kerensa Duw dhe vos dinewys yn agan kolonn der an Spyrys Sans re beu res dhyn.

Romanyon 6:13

Ha na rewgh agas eseli dhe begh avel arvow anewnder, mes omrewgh dhe Dhuw avel tus dhastrehevys a vernans dhe vewnans ha'gas eseli dhe Dhuw avel arvow ewnder.

Romanyon 6:19

Avel den y kowsav, drefenn gwannder agas kig. Rag par dell resewgh agas eseli avel kethyon dhe avlander ha dhe anlaghedh bys yn anlaghedh hwath moy, yndella gwrewgh ri agas eseli avel kethyon dhe ewnder rag sansheans.

Romanyon 8:19

Rag an kreasyon a wayt gans mall an diskwedhyans a vebyon Duw.

Romanyon 9:33

dell yw skrifys, ‘Ottavy ow korra yn Sion men trebuchya, ha karrek a offens ha neb a grysso ynno, ny berth ev meth.’

1 Korinthianys 15:31

Pub dydh y farwav – my a'n avow, breder, der ow bostyans a-dro dhywgh hag a'm beus yn Krist Yesu agan Arloedh.

1 Korinthianys 6:20

rag prenys a bris vewgh. Gordhyewgh Duw, ytho, yn agas korf.

1 Korinthianys 7:34

ha rynnys yw y vrys. Ha'n venyn dhibries po an wyrghes yw prederus a-dro dhe negys an Arloedh, fatell vo sans hag y'n korf hag yn spyrys; mes an venyn bries yw prederus a-dro dhe negys an bys, fatell blekkyo dh'y gour.

2 Korinthianys 10:8

Rag kyn fostiv nebes re a-dro dh'agan awtorita hag a ros an Arloedh dhyn rag agas drehevyans, a-der agas terri dhe'n leur, ny'm bydh meth anodho.

2 Korinthianys 3:12

Ytho, a-ban eus dhyn govenek a'n par na, ni a ober gans hardhder meur;

2 Korinthianys 4:10

prest ow toen a-dro yn agan korf mernans Krist, may fo diskwedhys ynwedh bewnans Yesu yn agan korf.

2 Korinthianys 5:15

hag ev a verwis a-barth oll, ma na vewa an re vew dhedha aga honan na fella, mes dhodho ev neb a verwis hag a veu dastrehevys a-barth dhedha.

2 Korinthianys 7:14

rag mar postis vy dhodho a-dro dhywgh, ny'm beu meth, mes par dell o gwir an traow oll a leversyn dhywgh, keffrys agan bostyans dhe Titus re beu prevys gwir.

2 Korinthianys 7:4

Hardhder meur a'm beus orthowgh hwi; meur yw ow bostyans ynnowgh. My re beu lenwys a gonfort; yn oll agan galar ow joy a balsha.

Filippianys 1:14

ha'n brassa rann a'n vreder, kolonnekhes y'n Arloedh der ow holmow, yw moy hardh dhe gewsel an ger heb own.

Filippianys 2:17

Mes dhe wir, mars ov skoellys avel offrynn diwes war agas sakrifis ha'n gonis a'gas fydh, my a lowenha ha keslowenhe genowgh hwi oll;

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

1 Thessalonianys 5:23

Ha'n Dew a gres y honan re'gas sakkro yn tien; ha'gas spyrys ha'gas enev ha'gas korf kowal re bo gwithys divlam orth devedhyans agan Arloedh Yesu Krist.

1 Peder 4:16

Mes mar kodhev avel Kristyon, na berthes meth, mes gwres ev gordhya Duw y'n hanow ma.

1 Yowann 2:28

Ha lemmyn, fleghigyow, trigewgh ynno rag ma'gan bo fydhyans ynno pan omdhiskwettho, ha ma na'gan bo meth a-ragdho orth y dhevedhyans.