Ezra 9:9 - An Bibel Kernewek 20234 (Kernewek Kemmyn)

⁹ Rag kethyon on ni; byttegyns ny'n eskasas agan Duw yn agan kethneth, mes ystynn tregeredh dhyn a-wel dhe vyghternedh Persia, may rollo dhyn dasvewnans, dhe dhasdrehevel chi agan Duw, hag ewnhe y vagoryow, hag ev re ros dhyn fos yn Yuda hag yn Yerusalem.

Ezra 9:9 Iomraidhean Croise

Ezra 2:68

Ha re a bennow an teyluyow, pan dheuthons dhe ji an Arloedh usi yn Yerusalem, a ros offrynnow bolonjedhek rag chi Duw dh'y dhrehevel yn y dyller:

Ezra 7:6

an Ezra ma a dheuth yn-bann a-dhiworth Babylon; hag ev o skriba skentel yn lagha Moyses, a wrug an Arloedh Duw a Ysrael hy ri. An myghtern a wrontyas dhodho oll y worholedhow, rag bos leuv an Arloedh y Dhuw warnodho.

Ezra 7:8

Ezra a dheuth dhe Yerusalem y'n pympes mis, henn o y'n seythves blydhen a'n myghtern.

Ezra 9:10

‘Ha lemmyn, pandr'a yllyn ni leverel, agan Duw, wosa hemma? Rag ni re forsakyas dha worhemmynnow,

Nehemia 2:17

Ena my a leveris dhedha, ‘Hwi a wel an ahwer eson ni ynno, fatell yw Yerusalem difeyth, ha'y yetow leskys gans tan. Dewgh, ha drehevyn ni fos Yerusalem, ma na vydhyn synsys yn disenor namoy.’

Nehemia 9:17

I a skonyas a woslowes, ha ny borthsons kov a'n marthusyon a wrussys yn aga mysk; mes i a dheuth ha bos kales aga hilbenn, hag y feu bodh aga brys dhe dhehweles dh'aga hethneth yn Ejyp. Mes ty yw Duw neb yw parys dhe ava, grassyes ha truedhek, lent ow serri, hag ow palshe yn tregeredh, ha ny wrussys aga forsakya.

Salmow 109:12

Na vedhes neb a ystynno tregeredh dhodho, ha na vedhes neb a gemmerro truedh a'y fleghes omdhivas.

Salmow 138:7

Kyn kerdhav yn kres anken, ty a with ow bewnans; ty a ystynn dha leuv erbynn sorr ow eskerens, ha'th leuv dhyghow a'm saw.

Ysay 14:3

Y'n jydh may hwra an Arloedh ri dhis powes dhiworth dha alar ha'th ankres ha dhiworth an ober kales a veus gwrys dhe lavurya ynno,

Ysay 5:2

Ev a's palas, ha kuntell an meyn yn-mes anedhi, ha plansa ynni an gwella gwinbrennyer. Ev a dhrehevis tour y'n kres anedhi, hag ynwedh ev a droghas gwinwask ynni. Ev a waytyas grappys dhe vos gwrys, mes y hwrug grappys trenk.

Ysay 5:5

Lemmyn my a dheriv dhywgh an pyth a wrav rag ow gwinlann: my a gemmer dhe-ves an ke ha hi a vydh peurva; my a wra aswa yn hy fos ha hi a vydh tir trettys.

Ysay 61:4

I a dhastrehav an magoryow koth ha dri yn-bann an tylleryow diboblys kyns; i a nowydhha trevow diswrys, re beu gwastys henedh wosa henedh.

Ezekiel 11:16

Rakhenna lavar: Yndellma y lever an Arloedh Duw: Kynth y's dannvonas pell yn mysk an kenedhlow, ha'ga skattra yn mysk an gwlasow, my a vydh meneghi ragdha pols byghan y'n gwlasow may teuthons di.

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Haggay 1:9

Hwi a hwilas kemmys, hag otta, boghes; ha pan y'n dresowgh tre my a'n hwythas dhe-ves. Prag? yn-medh Arloedh an luyow. Rag ow chi yw magor, ha hwi a boen, peub dh'y ji y honan.

Zekaria 2:5

My a vydh fos tan a-dro, yn-medh an Arloedh, ha my a vydh golewder a-bervedh ynni.’