Ezra 9:5 - An Bibel Kernewek 20234 (Kernewek Kemmyn)

⁵ Hag orth offrynn an gorthugher my a sevis a-dhiworth ow uvelheans; ha'm dillas ha'm mantell skwardys, my a goedhas war benn-dewlin, ha lesa ow diwla dhe'n Arloedh ow Duw,

Ezra 9:5 Iomraidhean Croise

1 Myghternedh 8:54

Lemmyn pan worfennas Solomon profya an pysadow ma ha'n pledyans ma dhe'n Arloedh, ev a sevis a-dherag alter an Arloedh, le may fia war benn-dewlin ha'y dhiwleuv ystynnys dhe nev;

1 Myghternedh 8:38

ha pan vo pysadow pynag po pledyans pynag gwrys gans den po gans oll dha bobel Ysrael, owth aswonn galarow aga holonn aga honan mayth ystynnons aga diwleuv war-tu ha'n chi ma:

1 Myghternedh 8:22

Ena Solomon a sevis a-rag alter an Arloedh yn lok oll kuntelles Ysrael, hag ystynn y dhiwleuv dhe nev.

Eksodus 9:33

Ytho Moyses eth yn-mes a'n sita dhiworth Faro, hag ystynn y dhiwdhorn dhe'n Arloedh; ha'n taran ha'n keser a hedhis, ha ny goedhas na fella an glaw war an nor.

Eksodus 9:29

Moyses a leveris dhodho, ‘Kettell av vy a'n sita, my a wra ystynn ow diwla dhe'n Arloedh; hedhi a wra an taran, ha ny vydh namoy keser, may hwodhvi bos an nor dhe'n Arloedh.

Efesianys 3:14

Ytho, my a bleg an dhewlin a-dherag an Tas,

Salmow 143:6

My a ystynn ow diwleuv dhiso; ow enev a yeun war dha lergh kepar ha tiredh sygh. Sela.

Salmow 141:2

Re bo ow fysadow a-dheragos avel ynkys, ha'm diwleuv drehevys avel offrynn gwesper.

Salmow 95:6

Deun, gordhyen hag omblegya, gwren ni mos war benn-dewlin a-rag an Arloedh agan Gwrier.

2 Kroniklys 6:13

Solomon re wrussa bynk a vrons, pymp kevelin a-hys, pymp kevelin a-les, ha tri hevelin yn ughelder, ha'y gorra y'n kres an klos. Ev a sevis warnedhi, ha mos war benn-dewlin a-rag oll kuntelles Ysrael, hag ev a ystynnas y dhiwleuv war-tu ha nev.

Oberow 21:5

Mes, ha'gan dydhyow ena diwedhys, ni eth alena ha pesya yn agan vyaj, i oll gans aga gwragedh ha'ga fleghes orth agan hembronk yn-mes a'n sita. Ena ni eth war benn-dewlin y'n treth ha pysi

Luk 22:41

Hag ev a omdennas dhiworta a-dro dhe hys towl-men, hag ow mos war benn-dewlin ev a bysi,

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Daniel 10:2

Y'n dydhyow na, yth esen vy, Daniel, ow kalari dre deyr seythunweyth.

Nehemia 1:4

Pan glewis vy an geryow ma, my a esedhas hag oela, ha kyni dres lies dydh, ha penys ha pysi a-rag Duw nev.