Ezra 9:2 - An Bibel Kernewek 20234 (Kernewek Kemmyn)

² Rag i re gemmeras re a'ga myrghes ragdha aga honan, ha rag aga mebyon: yndellma i re gemmyskas an has sans gans tus an broyow na: yn hwir, leuv an bennsevigyon ha'n soedhogyon re beu y'n voward y'n dislelder ma.’

Ezra 9:2 Iomraidhean Croise

Jenesis 6:2

mebyon Duw a welas myrghes mab-den ha'ga bos teg, hag i a gemmeras dhedha aga honan gwragedh a vyns anedha a dhewissons.

1 Myghternedh 11:1

Myghtern Solomon a gara lies benyn estren, keffrys ha myrgh Faro: Moabyadesow, Ammonyadesow, Edomyadesow, Sidonyadesow ha Hittyadesow,

Ezra 10:2

Shekania mab Yehiel, a vebyon Elam, a worthybis ow leverel dhe Ezra, ‘Ni re beu dislel dh'agan Duw, ow kemmeres gwragedh estren a-dhiworth poblow an pow. Byttegyns lemmyn yma govenek yn Ysrael a-dro dhe'n mater ma.

Ezra 9:12

Lemmyn ytho na rewgh agas myrghes dh'aga mebyon, ha na gemmerewgh aga myrghes dh'agas mebyon. Nevra na hwilewgh kevambos kres gansa, may fowgh krev, ha dybri dader an tir, ha'y asa dh'agas fleghes avel eretons bynitha.”

Ezra 9:14

A wren ni terri arta dha worhemmynnow, ha gul demmedhyansow gans poblow an taklow kasadow ma? A ny vydhydh serrys genen dh'agan distrui, ma na vo naneyl remenant na skapya?

Nehemia 13:17

Ytho my a geredhis ugheloryon Yuda ha leverel dhedha, ‘Pyth yw an droktra ma esowgh hwi ow kul, ow tisakra dydh sabot?

Nehemia 13:28

Onan a vebyon Yoyada mab Elyashib an arghoferyas, o deuv dhe Sanballat an Horonyas; rakhenna my a'n pellhas yn-mes a'm lok.

Eksodus 19:6

ha hwi a vydh dhymm gwlaskor a oferysi ha kenedhel sans. An re ma yw an geryow hag a wredh kewsel dhe vebyon Ysrael.’

Eksodus 22:31

Hwi a vydh gwer sakrys dhymm; yndellma ny wrewgh dybri kig vyth yw skwardys gans bestes an gwel; hwi a'n tewl dhe'n keun.

Eksodus 34:16

ha ty a gemmer a'ga myrghes dhe'th vebyon, ha'ga myrghes a wra horya war-lergh aga duwow ha gul dhe'th vebyon horya war-lergh aga duwow.

Ysay 6:13

Ha kyn fo an degves rann gesys ynno, y fydh leskys arta, kepar ha terebinthenn po derwenn a as kyf pan yw treghys dhe'n dor.’ An has sans yw hy hyf.

Levitikus 21:15

ma na vo y has defolys yn mysk y bobel, rag my yw an Arloedh, neb a wra y sakra.

Malaki 2:11

Yuda re beu dislen, ha neppyth kasadow re beu gwrys yn Ysrael ha Yerusalem: rag Yuda re dhisakras an sentri a wra an Arloedh y gara, ha re dhemmedhis an vyrgh a dhuw astranj.

Malaki 2:15

A ny's gwrug an unn Duw, kig ha spyrys? Ha pandr'a vynn an unn Duw marnas agh duwek? Rakhenna gwithewgh war agas spyrys, ha na vydh dislen orth gwreg dha yowynkneth.

1 Korinthianys 7:14

Rag an gour diskryjyk re beu sakrys der an wreg, ha'n wreg dhiskryjyk re beu sakrys der an gour. Poken, avlan via agas fleghes, mes lemmyn sans yns i.

2 Korinthianys 6:14

Na vedhewgh kamm-gesyewys gans diskryjygyon; rag py kevrenn eus dhe ewnder gans anlaghedh, po py kowethyans eus dhe wolow gans tewlder?

Dewteronomi 14:2

Rag pobel sans os dhe'n Arloedh dha Dhuw, ha'n Arloedh re'th tewisas dhe vos dhodho pobel arbennik dhodho y honan yn-mes a'n poblow oll usi war enep an norvys.

Dewteronomi 7:6

Rag ty yw pobel sans dhe'n Arloedh dha Dhuw. An Arloedh dha Dhuw re'th tewisas dhe vos dhodho pobel arbennik dhodho y honan, yn-mes a oll an poblow war enep an norvys.

Yoshua 22:15

I a dheuth dhe'n Rewbenysi, dhe'n Gadysi, ha dhe hanter-loeth Manasse dhe bow Gilead, hag yn-medhons dhedha,

Yoshua 23:12

Rag mar treylyowgh dhe-ves ha glena orth remenant an kenedhlow ma yw gesys yn agas mysk, ha mar junyowgh gansa yn demmedhyans, ha mar kowethyowgh gansa hag i genowgh hwi,