Ezra 7:5 - An Bibel Kernewek 20234 (Kernewek Kemmyn)

⁵ mab Abishua, mab Finehas, mab Eleazar, mab Aron an pennoferyas:

Ezra 7:5 Iomraidhean Croise

1 Kroniklys 6:4

Eleazar a dhineythis Finehas, Finehas a dhineythis Abishua,

2 Kroniklys 19:11

Amaria an arghoferyas, yma ev warnowgh yn oll an traow a doch an Arloedh; ha Zebadia mab Yshmael, pennsevik chi Yuda, yn oll antraow a doch an myghtern; ha'n Levysi yw agas soedhogyon. Bedhewgh krev ha hardh, ha re bo an Arloedh gans an re 'vas!’

2 Kroniklys 26:20

Pan welas Azaria an arghoferyas hag oll an oferysi orto, ev dhe vos lovrek yn y dal, i a fyskas orth y worra yn-mes. Hag ev y honan a fyskas ow mos yn-mes, rag an Arloedh dh'y blagya.

Ezra 7:4

mab Zerahia, mab Uzzi, mab Bukki,

Ezra 7:6

an Ezra ma a dheuth yn-bann a-dhiworth Babylon; hag ev o skriba skentel yn lagha Moyses, a wrug an Arloedh Duw a Ysrael hy ri. An myghtern a wrontyas dhodho oll y worholedhow, rag bos leuv an Arloedh y Dhuw warnodho.

Eksodus 6:25

Eleazar mab Aron, a gemmeras avel y wreg onan a vyrghes Putiel; ha hi a dhug dhodho Finehas. An re ma yw pennow teyluyow an Levysi herwydh aga theyluyow.

Levitikus 10:12

Ha Moyses a leveris dhe Aron hag Eleazar hag Ithamar, y vebyon a veu gesys: Kemmerewgh an offrynn greun yw gesys a'n offrynnow dhe'n Arloedh dre dan ha'y dhybri heb goell ryb an alter, rag an moyha sans yw.

Levitikus 10:16

Ena Moyses a hwilas a-dro dhe vogh an offrynn pegh, hag otta, leskys veu, ha serrys veu gans Eleazar hag Ithamar, mebyon Aron o gesys, ow leverel,

Levitikus 10:6

Hag yn-medh Moyses dhe Aron ha dhe Eleazar ha dhe Ithamar y vebyon, ‘Na esewgh gols agas pennow dhe gregi lows, na skwardya agas dillas, ma na wryllowgh hwi merwel, ha na dheffo sorr war oll an kuntelles, mes gesewgh agas breder, chi dien Ysrael, dhe oela drefenn an loskvann re wrug an Arloedh.

Niverow 27:2

Hag i a sevis a-rag Moyses, hag a-rag Eleazar an oferyas, hag a-rag an hembrenkysi ha'n kuntelles oll, dhe dharas tylda an kuntelles, ow leverel,

Niverow 3:32

Hag Eleazar mab Aron an oferyas yw penn war hembrenkysi an Levysi; ev a worwel an re a attend deverow an sentri.

Niverow 31:31

Ha Moyses hag Eleazar a wrug dell worhemmynnis an Arloedh dhe Moyses.

Niverow 31:54

Ha Moyses hag Eleazar an oferyas a gemmeras an owr a-dhiworth kaptenyon milyow ha kansow ha'y dhri a-ji dhe dylda an kuntelles, avel kovheans rag mebyon Ysrael a-rag an Arloedh.

Niverow 31:6

Ha Moyses a's dannvonas dhe'n vresel, mil a bub loeth, war-barth gans Finehas mab Eleazar an oferyas, gans lestri an sentri ha'n hirgern rag gwarnyans yn y dhorn.

Ebrowyon 5:4

Ha ny omgemmer denvyth an enor ragdho y honan, marnas ev a veu gelwys gans Duw, par dell veu Aron.

Yoshua 14:1

An re ma yw an tiryow a eritas mebyon Ysrael yn pow Kanan, a veu rynnys dhedha avel eretons gans Yoshua mab Nun ha pennow teyluyow loethow Ysrael.

Yoshua 22:13

Ena an Ysraelysi a dhannvonas an oferyas Finehas mab Eleazar dhe bow Gilead dhe'n Rewbenysi ha'n Gadysi ha dhe hanter-loeth Manasse,

Yoshua 22:31

Finehas an oferyas mab Eleazar a leveris dhe'n Rewbenysi ha dhe'n Gadysi ha dhe vebyon Manasse, ‘Hedhyw ni a woer bos an Arloedh yn agan mysk drefenn na wrussowgh travyth dislel erbynn an Arloedh; lemmyn hwi re sawyas an Ysraelysi yn-mes a leuv an Arloedh.’

Yoshua 24:33

Eleazar mab Aron a verwis, hag i a'n ynkleudhyas yn Gibea a veu res dh'y vab Finehas yn bro venydhyek Efraym.

Breusysi 20:28

ha Finehas mab Eleazar mab Aron, a servya a-ragdha y'n dydhyow na) ow leverel, ‘A wren ni mos yn-mes unnweyth arta rag batalyas orth agan breder, an Benyaminysi, po a wren ni hedhi?’ An Arloedh a worthybis, ‘Kewgh yn-bann rag a-vorow my a's re yn agas leuv.’