Ezra 7:10 - An Bibel Kernewek 20234 (Kernewek Kemmyn)

¹⁰ Rag Ezra re settsa y golonn dhe hwilas lagha an Arloedh, ha dh'y gul, ha dhe dhyski ordenansow ha breusow yn Ysrael.

Ezra 7:10 Iomraidhean Croise

1 Kroniklys 29:18

A Arloedh Duw Abraham, Ysak hag Ysrael agan tasow, gwith hemma bys vykken yn brys ha prederow kolonn dha bobel, ha kevarwoedh aga holonn troha dhis.

2 Kroniklys 12:14

Ev a wre drog rag ny settyas y golonn dhe hwilas an Arloedh.

2 Kroniklys 19:3

Byttegyns neppyth a dhader yw kevys ynnos, rag ty re dhiswrug an Asheroth yn-mes a'n tir, ha re settyas dha golonn dhe hwilas Duw.’

2 Kroniklys 30:22

Hezekia a gewsis ow kennertha an Levysi a dhiskwedhas konvedhes da yn servis an Arloedh. Seyth dydh i a dhybris aga rann apoyntys, ow sakrifia offrynnow kres, hag owth aswonn grasow dhe'n Arloedh, Duw aga thasow.

Ezra 7:11

Ytho, ottomma dasskrif a'n lyther a wrug myghtern Artakserkses y ri dhe Ezra an oferyas, an skriba, dyskys yn mater gorhemmynnow an Arloedh, ha'y ordenansow rag Ysrael:

Ezra 7:25

Ha ty, Ezra, herwydh furneth dha Dhuw, usi yn dha leuv, orden justisyow ha breusysi, a yll breusi oll an dus usi y'n rannvro Dres-an-Avon, oll an re a aswonn laghys dha Dhuw; ha dyskewgh neb na's aswonn.

Ezra 7:6

an Ezra ma a dheuth yn-bann a-dhiworth Babylon; hag ev o skriba skentel yn lagha Moyses, a wrug an Arloedh Duw a Ysrael hy ri. An myghtern a wrontyas dhodho oll y worholedhow, rag bos leuv an Arloedh y Dhuw warnodho.

Job 11:13

‘Mar pareusydh dha golonn, hag ystynn dha leuv trohag ev,

Salmow 1:2

mes yma y dhelit yn lagha an Arloedh, hag yn y lagha y preder ev dydh ha nos.

Salmow 10:17

Arloedh, ty re glewas desir an re uvel; ty a gennerth aga holonn, ty a wra dhe'th skovarn goslowes,

Salmow 119:112

My re worras ow holonn dhe wul dha ordenansow bys vykken, ha bys y'n diwedh.

Salmow 119:45

Ha my a gerdh yn rydhses, rag my a hwila dha arghadowyow.

Salmow 19:7

Lagha an Arloedh yw perfydh, ow kul dhe'n enev dasvewa; dustuniow an Arloedh yw sur, ow ri furneth dhe'n re sempel.

Salmow 57:7

Fast yw ow holonn, A Dhuw, fast yw ow holonn; kana a wrav vy, ha gormel.

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Matthew 5:19

Rakhenna piwpynag a dorro onan a'n gorhemmynnow lyha ma ha dyski dhe dus gul yndella, ev a vydh gelwys an lyha yn gwlaskor nev, mes piwpynag a's gwrello ha'ga dyski, an keth den na a vydh gelwys meur yn gwlaskor nev.

Matthew 7:24

‘Pubonan ytho a woslow ow geryow ma hag a's gwra, a vydh hevelebys dhe wour fur neb a dhrehevis y ji war an garrek;

Yowann 13:17

Mar konvedhowgh an taklow ma, gwynn agas bys mara's gwrewgh.

Oberow 1:1

Y'n kynsa lyver, O Theofilus, my a skrifas a-dro dhe'n taklow oll hag a dhallathas Yesu ha gul ha dyski

Dewteronomi 16:12

Porth kov y feus keth yn Ejyp, ha gwayt gul an ordenansow ma.

Dewteronomi 33:10

I a dhysk dha vreusow dhe Yakob, ha'th lagha dhe Ysrael. I a worr ynkys y'th tewfrik, hag offrynn kowlleskys war dha alter.

1 Timothi 3:2

Y koedh dhe epskop bos divlam, gour unn wreg, sad, doeth, onest, hel dhe westoryon, dyskador da,

2 Timothi 4:2

pregoth an ger; bydh ter, da po drog kyn fo an seson; gwra keredhi, keski hag ynnia gans pub hirwodhevyans ha dyskas.

Titus 2:1

Mes ty, lavar an pyth a dhelledh dhe dhyskas yagh,

Titus 2:15

Gwra derivas an taklow ma, hag ynnia ha keredhi gans pub awtorita. Na wres denvyth dha dhispresya.

Diskwedhyans 22:14

Gwynn aga bys neb a wolgh aga dillas may fo dhedha gwir dhe'n wydhenn a vewnans, ha mayth ellens a-ji dhe'n sita der an yetys.

1 Samuel 7:3

Ena Samuel a gewsis dhe oll chi Ysrael ow leverel, ‘Mars esowgh hwi ow tehweles dhe'n Arloedh gans oll agas kolonn, ena gorrewgh dhe-ves an duwow astranj ha'n Ashtaroth a-dhiworth agas mysk. Settyewgh agas kolonn war an Arloedh, ha servyewgh unnsel ev, hag ev a'gas delirv yn-mes a leuv an Filistysi.’