Ezra 5:5 - An Bibel Kernewek 20234 (Kernewek Kemmyn)

⁵ Mes yth esa lagas aga Duw ow kwitha war henavogyon an Yedhewon, ma na wrussons aga lettya, bys pan dheffa an derivas dhe Darius: ha bys pan vo degemmerys gorthyp dre lyther dhe'n mater ma.

Ezra 5:5 Iomraidhean Croise

2 Kroniklys 16:9

Rag dewlagas an Arloedh a wander dres oll an norvys rag krevhe an re hag yth yw aga holonn lel dhodho. Ty re wrug tra foll y'n dra ma; rag alemma rag ty a' fydh breselyow.’

Ezra 7:28

ha neb re ystynnas tregeredh dhymm a-rag y gusulyoryon hag oll soedhogyon alloesek an myghtern. Ha my a veu kennerthys, rag bos leuv an Arloedh ow Duw warnav, ha my a guntellas ledyoryon yn-mes a Ysrael rag mos yn-bann genev.

Ezra 7:6

an Ezra ma a dheuth yn-bann a-dhiworth Babylon; hag ev o skriba skentel yn lagha Moyses, a wrug an Arloedh Duw a Ysrael hy ri. An myghtern a wrontyas dhodho oll y worholedhow, rag bos leuv an Arloedh y Dhuw warnodho.

Ezra 8:22

Rag meth a'm bia govynn orth an myghtern kowethas soudoryon ha marghogyon dh'agan gweres erbynn ladron fordh; rag ni a leveris dhe'n myghtern, ‘Yma leuv agan Duw war oll an re a'n hwila; mes yma y alloes ha'y sorr erbynn oll a'n eskas.’

Salmow 32:8

My a'th kevarwoedh, ha dyski dhis an fordh mayth yw res dhis mos; ha gans ow lagas warnas my a'th kusul.

Salmow 33:18

Otta, yma lagas an Arloedh war an re a berth own anodho, war an re a drest yn y dregeredh;

Salmow 34:15

Yma dewlagas an Arloedh war an re wiryon, ha'y dhiwskovarn troha'ga kri.

Salmow 76:10

Sorr mab-den a dreyl dhe'th wormola; remenant an sorr ty a wisk a-dro dhis avel grogys.

Filippianys 1:28

heb bos ownekhes yn travyth gans agas eskerens. Hemm yw prov a dhiswrians dhedha i, mes a'gas selwyans hwi, ha hemma dhiworth Duw.

1 Peder 3:12

rag bos dewlagas an Arloedh war an re wiryon, hag igor yw y dhiwskovarn dh'aga fysadow, mes fas an Arloedh yw settys erbynn an re a wra drog.’