Ezra 5:3 - An Bibel Kernewek 20234 (Kernewek Kemmyn)

³ Yn kettermyn Tattenay, governour an rannvro Dres-an-Avon, ha Shethar-bozenay, ha'ga heskowetha a dheuth dhedha, ha kewsel dhedha yndella, ‘Piw re ros dhywgh arghadow dhe dhrehevel an chi ma, ha dhe gowlwul an fosow ma?’

Ezra 5:3 Iomraidhean Croise

Ezra 1:3

Piwpynag a vo yn agas mysk yn-mes a oll y bobel a yll mos yn-bann dhe Yerusalem usi yn Yuda ha drehevel chi an Arloedh, Duw Ysrael – ev yw an Duw usi yn Yerusalem – ro bo y Dhuw ganso.

Ezra 4:12

Re bo godhvedhys dhe'n myghtern, an Yedhewon neb a dheuth yn-bann a-dhiworthis dhyn ni re dheuth dhe Yerusalem. Yth esons ow trehevel an sita dhiwostydh ha drog na, ow korfenna hy fosow, hag owth ewnhe hy selyow.

Ezra 4:9

Ena Rehum an chansler, ha Shimshay an skrifwas, ha'ga heskowetha erell – an vreusysi, an wovernours, an soedhogyon, an Persianys, tus a Erek, Babylon, Shushan, henn yw an Elamysi,

Ezra 5:6

Dasskrif a lyther Tattenay, governour an rannvro Dres-an-Avon, ha Shethar-bozenay, ha'ga heskowetha an soedhogyon, esa yn rannvro Dres-an-Avon, a dhannvonsons dhe Darius an myghtern;

Ezra 5:9

Ena ni a wovynnas orth an henavogyon na, ha leverel dhedha yndellma, ‘Piw re ros dhywgh arghadow dhe dhrehevel an chi ma, ha dhe worfenna an fosow ma?’

Ezra 6:13

Ena Tattenay, governour an rannvro Dres-an-Avon, Shethar-bozenay, ha'ga heskowetha, a wrug herwydh an pyth a dhannvonas Darius an myghtern, gans meur a rach.

Ezra 6:6

‘Rakhenna lemmyn, Tattenay, governour Dres-an-Avon, Shethar-bozenay, ha'gas keskowetha an soedhogyon usi y'n rannvro Dres-an-Avon, bedhewgh pell alena:

Ezra 7:21

Ha my, Artakserkses an myghtern ow honan, a dhyllo arghadow dhe oll an alhwedhoryon usi y'n rannvro Dres-an-Avon, may fo gwrys yn uskis pynagoll Ezra an oferyas, skriba lagha Duw nev, a wovynno orthowgh,

Haggay 1:1

Y'n nessa blydhen a Darius an myghtern, y'n hweghves mis, yn kynsa dydh an mis y teuth ger an Arloedh der an profoes Haggay dhe Zerubbabel, mab Shealtiel, governour Yuda, ha dhe'n arghoferyas Yoshua, mab Yosedek, ow leverel,

Matthew 21:23

Ha pan o devedhys y'n tempel, an bennoferysi ha henavogyon an bobel a dheuth dhodho, hag ev ow tyski, hag yn-medhons, ‘Py awtorita dredho y hwre'ta an taklow ma? Ha piw a ros dhis an awtorita ma?’

Oberow 4:7

Ha pan y's gorrsens yn aga mysk, i a wovynnas, ‘Dre by galloes po yn py hanow y hwrussowgh hwi hemma?’