Ezra 4:2 - An Bibel Kernewek 20234 (Kernewek Kemmyn)

² i a dheuth dhe Zerubbabel, ha dhe bennow an teyluyow, ha leverel dhedha, ‘Gesewgh ni dhe dhrehevel genowgh: rag avelowgh hwi ni a hwila agas Duw; ha ni re beu ow sakrifia dhodho a-dhia dhydhyow Esarhaddon myghtern Asshur, neb a'gan dros yn-bann bys omma.’

Ezra 4:2 Iomraidhean Croise

Jenesis 10:11

Yn-mes a'n pow na yth eth dhe Assyria ha drehevel Nineve, ha Rehoboth-ir, ha Kalah,

2 Myghternedh 17:24

Myghtern Assyria a dhros tus dhiworth Babylon, Kutha, Avva, Hamath, ha Sefarvaym, ha'ga gorra yn sitys Samaria yn le an Ysraelysi; hag i a gemmeras Samaria yn perghennogeth, ha triga yn hy threvow.

2 Myghternedh 17:41

Ytho an kenedhlow ma a wordhya an Arloedh mes i a besyas gordhya aga imajys gravys; bys y'n jydh hedhyw aga fleghes, ha fleghes aga fleghes a bes gul an pyth a wrug aga thasow.

2 Myghternedh 19:37

Hag y hwarva, pan esa ow kordhya yn chi y dhuw Nisrok, y vebyon Adrammelek ha Shareser a'n ladhas gans an kledha, hag i a skapyas dhe bow Ararat. Hag Esarhaddon y vab a reynyas yn y le.

Ezra 1:5

Pennow teyluyow Yuda ha Benyamin ha'n oferysi ha'n Levysi a sevis, gans oll an re may hwrug Duw dh'aga spyrys difuna, dhe vones yn-bann ha drehevel chi an Arloedh usi yn Yerusalem.

Ezra 2:2

I a dheuth gans Zerubbabel, Yeshua, Nehemia, Seraya, Reelaya, Mordekay, Bilshan, Mispar, Bigvay, Rehum, Baana. Niver gwer pobel Ysrael:

Ezra 3:12

Mes lies a'n oferysi ha'n Levysi ha pennow an tasow, henavogyon hag a welas an kynsa chi, a oelas gans lev ughel pan welsons sel an chi ma fondys a-rag aga dewlagas, mes lies anedha a armas yn ughel gans lowena,

Ezra 3:2

Ena Yeshua mab Yosadak a sevis, ha'y vreder an oferysi, ha Zerubbabel mab Shealtiel ha'y vreder, hag i a dhrehevis alter Duw Ysrael rag offrynna offrynnow leskys warnedhi, dell yw skrifys yn lagha Moyses gour Duw.

Nehemia 9:32

‘Lemmyn ytho, agan Duw, an Duw bras ha galloesek hag euthyk, neb a with kevambos ha tregeredh, na dhyght avel distyr oll an anken ma re dheuth warnan, war agan myghternedh, agan pennsevigyon, agan oferysi, agan profoesi, ha'gan tasow ha war oll dha bobel, a-dhia dermyn myghternedh Assyria bys y'n jydh hedhyw.

Salmow 73:8

I a wra ges, ha kewsel yn spitus; i a wodros arwask, ughel aga fenn.

Ysay 37:37

Ena Sennagherib myghtern Assyria a omdennas, mos tre ha triga yn Nineve.

Ysay 37:38

Hag y hwarva, pan esa ow kordhya yn chi Nisrok y dhuw, Adrammelek ha Shareser y vebyon a'n ladhas gans an kledha, hag i a skapyas dhe bow Ararat. Hag Esarhaddon y vab a reynyas yn y le.

Hosea 14:3

Ny wra Assyria agan sawya; ny wren ni marghogeth war vergh. Ny leveryn arta “Agan duwow” dhe ober agan diwla, rag ynnos jy y kyv an omdhivas truedh.’

Galatianys 2:4

mes rag bos breder fekyl dres a-ji yn-dann gel, skolkyoryon a slynkyas a-ji rag aspia orth agan rydhses a'gan beus yn Krist Yesu, ma'gan drollens bys yn kethneth;

2 Timothi 3:8

Kepar dell settyas Yannes ha Yambres orth Moyses, y'n keth vaner an re ma a sett orth an gwir, shyndys aga brys, anwiw a-dro dhe'n fydh.