Ezra 4:12 - An Bibel Kernewek 20234 (Kernewek Kemmyn)

¹² Re bo godhvedhys dhe'n myghtern, an Yedhewon neb a dheuth yn-bann a-dhiworthis dhyn ni re dheuth dhe Yerusalem. Yth esons ow trehevel an sita dhiwostydh ha drog na, ow korfenna hy fosow, hag owth ewnhe hy selyow.

Ezra 4:12 Iomraidhean Croise

2 Myghternedh 18:20

A grysydh bos geryow an dhiwweus kusul ha nerth rag bresel? Piw a fydhydh ynno lemmyn ha ty ow rebellya er ow fynn?

2 Myghternedh 24:1

Yn y dhydhyow, Nebukadnessar myghtern Babylon a dheuth yn-bann, ha Yehoyakim eth ha bos y omajer dres teyr blydhen; ena ev a dreylyas ha rebellya er y bynn.

2 Kroniklys 36:13

Ev a rebellyas ynwedh erbynn myghtern Nebukadnessar, neb re wrussa dhodho gul ti re Dhuw; ev a galeshas y gilbenn ha kaleshe y golonn erbynn treylya dhe'n Arloedh, Duw Ysrael.

Ezra 4:11

Ottomma dasskrif a'n lyther a dhannvonsons dhodho: Dhe Artakserkses an myghtern: Dhiworth dha servysi an wer y'n rannvro Dres-an-Avon:

Ezra 4:15

may hwiller yn lyver kovadhow dha dasow: yndella ty a gyv yn lyver an kovadhow, ha dyski bos an sita ma sita dhiwostydh, hag a wra pystiga myghternedh ha rannvroyow, hag rebellyans re sordyas ynni a-henys: rakhenna an sita ma a veu difeythys.

Ezra 4:19

Ytho my a dhellos arghadow, hag i a hwithras, ha dyski an sita ma dhe omsevel a-henys erbynn myghternedh, ha rebellyans hag ankres re beu gwrys ynni.

Ezra 5:3

Yn kettermyn Tattenay, governour an rannvro Dres-an-Avon, ha Shethar-bozenay, ha'ga heskowetha a dheuth dhedha, ha kewsel dhedha yndella, ‘Piw re ros dhywgh arghadow dhe dhrehevel an chi ma, ha dhe gowlwul an fosow ma?’

Ezra 5:9

Ena ni a wovynnas orth an henavogyon na, ha leverel dhedha yndellma, ‘Piw re ros dhywgh arghadow dhe dhrehevel an chi ma, ha dhe worfenna an fosow ma?’

Nehemia 1:3

Yn-medhons dhymm, ‘An remenant yw gesys a'n gethneth ena y'n rannvro yw yn galar bras ha mewl; ynwedh fos Yerusalem yw terrys dhe'n dor, ha'y yetow leskys gans tan.’

Nehemia 6:6

Ynno y feu skrifys, ‘Derivys yw yn mysk an kenedhlow – ha Gashmu a'n lever ynwedh – ty ha'n Yedhewon dhe vynnes rebellya; henn yw prag yth es'ta ow tastrehevel an fos; may fi aga myghtern, war-lergh an geryow ma.

Ester 3:8

Ena yn-medh Haman dhe'n myghtern Ahasuerus, ‘Yma unn bobel skattrys a-les ha diberthys yn mysk an poblow yn oll rannvroyow dha wlaskor; ha'ga laghys yw dihaval dhe laghys pub pobel arall, ha ny withons laghys an myghtern. Ytho nyns yw ewn an myghtern dh'aga godhav.

Yeremia 52:3

Yn hwir, mar vras o sorr an Arloedh erbynn Yerusalem ha Yuda ma's tewlis mes a'y lok. Sedekia a rebellyas erbynn myghtern Babylon.

Daniel 3:8

Ytho rakhenna orth an prys ma, nebes gwer a Kaldea a dheuth nes, hag a guhudhas an Yedhewon.

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Luk 13:34

Yerusalem, Yerusalem, neb a ladh an brofoesi ha labydha an re yw dannvenys dhis, peskweyth y yeunis vy kuntell dha fleghes war-barth kepar dell guntell yar hy yerigow yn-dann hy eskelli, ha ny vynnsowgh!

Oberow 24:5

Ni re gavas bos an gour ma pla, ow kul strif yn mysk oll an Yedhewon dres an nor, penn-ledyer sekt an Nazarenys.

1 Thessalonianys 5:22

Omwithewgh rag drog a bub eghenn.