Ezra 3:7 - An Bibel Kernewek 20234 (Kernewek Kemmyn)

⁷ I a ros arghans ynwedh dhe'n seri men, ha dhe'n seri prenn; ha boes, diwes hag oyl dhe'n dus a Sidon, ha'n dus a Tyr, may trollens kederwydh a-dhiworth Lebanon dhe vor Yoppa, herwydh an kummyas a dhegemmersens dhiworth Kyrus myghtern Persia.

Ezra 3:7 Iomraidhean Croise

2 Samuel 5:11

Myghtern Hiram a Tyr a dhannvonas kannasow dhe Davydh, war-barth gans kederwydh ha seri prenn ha seri men, hag i a dhrehevis chi rag Davydh.

1 Myghternedh 5:6

Rakhenna gorhemmynn bos treghys ragov kederwydh a Lebanon. Ow wesyon a vydh gans dha wesyon, ha my a re gobrow dhe'th wesyon herwydh dha hwans; rag ty a woer nag eus denvyth yntredhon a woer treghi gwydh avel an Sidonysi.’

2 Myghternedh 12:10

Peskweyth may hwelsons bos meur a arghans y'n gist, skrifennyas an myghtern ha'n arghoferyas a dheuth, hag i a gomptyas an arghans a veu kevys yn chi an Arloedh ha'y gelmi yn seghyer.

2 Myghternedh 12:13

Byttegyns ny wrussons devnydh a'n arghans dres yn chi an Arloedh dhe wul bollow a arghans, gwelsigow-porv, bollow-offrynn, hirgern, lestri a owr po lestri a arghans,

2 Kroniklys 34:10

I a'n dros dhe'n oberoryon a's tevo charj a'n ober yn chi an Arloedh, ha'n oberoryon ma, owth oberi yn chi an Arloedh a wrug devnydh anodho rag ewnhe ha daswul an chi.

Ezra 3:6

A-dhia gynsa dydh an seythves mis i a dhallathas offrynna offrynnow leskys dhe'n Arloedh. Mes ny veu sel tempel an Arloedh fondys hwath.

Ezekiel 27:17

Yuda ha pow Ysrael o dha marchons; gwaneth a Minnith, tesenn, mel, oyl, ha balsam y rons yn keschanj rag dha wara.

Yona 1:3

Mes Yona a sevis rag fia dhe Tarshish, dhiworth golok an Arloedh. Ev eth yn-nans dhe Yoppa, ha kavoes gorhel ow mos dhe Tarshish. Ytho ev a ros an pris ha mos a-bervedh ynno, mayth ella gansa dhe Tarshish, a-dhiworth golok an Arloedh.

Oberow 12:20

Lemmyn ev o fest serrys orth Tus Tyr ha Sidon; ha gans unn akord i a dheuth dhodho, ha wosa i dhe dhendil skoedhyans Blastus, chambourlen an myghtern, i a bysis kres, drefenn bos aga fow sostenys dhiworth gwlas an myghtern.

Oberow 9:36

Lemmyn yn Yoppa yth esa unn dhyskybles henwys Tabitha, henn yw dhe styrya Dorkas; an venyn ma o leun a oberow da hag a rians alusenow.

Oberow 9:38

Lemmyn rag bos Lydda ogas dhe Yoppa, an dhyskyblon a glewas bos Peder ena ha dannvon dew wour dhodho, ow pysi, ‘Heb strechya, deus dhyn ni.’

Oberow 9:43

Hag y hwarva ev dhe wortos yn Yoppa lies dydh gans unn Simon, dyghtyer kreghyn.