Ezra 3:11 - An Bibel Kernewek 20234 (Kernewek Kemmyn)

¹¹ I a ganas, ow korthybi an eyl dh'y gila, gans gormola ha grasyans dhe'n Arloedh, ‘Rag ev yw da, rag y dregeredh a dhur bys vykken war Ysrael.’ Hag oll an dus a armas gans garm vras, ow kormel an Arloedh, drefenn bos settys sel chi an Arloedh.

Ezra 3:11 Iomraidhean Croise

1 Kroniklys 16:34

Grassewgh dhe'n Arloedh, rag da yw, rag y dregeredh a dhur bys vykken.

1 Kroniklys 16:41

Gansa yth esa Heman ha Yeduthun ha remenant an re a veu dewisys ha henwys yn tiblans dhe rassa dhe'n Arloedh, rag y dregeredh dhe dhur bys vykken.

2 Kroniklys 5:13

An hirgernysi ha'n ganoryon a junyas war-barth yn unnson yn gormola hag yn grasow dhe'n Arloedh. Keveylys gans hirgern ha gans symbalys, ha daffar menestrouthi arall, i a ganas gormola dhe'n Arloedh, ‘Rag ev yw da, ha'y dregeredh a dhur bys vykken’; ha'n chi, chi an Arloedh, o lenwys a gommolenn,

2 Kroniklys 7:3

Pan welas oll mebyon Ysrael an tan ow tiyskynna ha glori an Arloedh war an tempel, i a omblegyas war an leur ha'ga fas dhe'n dor, hag a wordhyas hag a ros grasow dhe'n Arloedh ow leverel, ‘Rag ev yw da, rag y dregeredh a dhur bys vykken.’

Nehemia 12:24

Ha hembrenkysi an Levysi: Hashabia, Sherebia, ha Yeshua mab Kadmiel ha'ga breder a sevi a-dal dhedha dhe gana gormel ha grasyans dhe Dhuw, an eyl amal ow korthybi dhe'n arall herwydh gorhemmynn Davydh, gour Duw.

Nehemia 12:40

An dhew vagas esa ow ri grasyans a gemmeras aga thylleryow yn chi Duw, ha my ha hanter an hembrenkysi genev;

Salmow 100:5

Rag da yw an Arloedh; y dregeredh a dhur bys vykken, ha'y lelder a dhur a unn henedh dhe'n nessa.

Salmow 103:17

Mes tregeredh an Arloedh re beu bythkweth hag a vydh bys vykken war an re a berth own anodho, ha'y ewnder dhe fleghes aga fleghes;

Salmow 106:1

Gormelewgh an Arloedh. Grassewgh dhe'n Arloedh, rag ev yw da, rag y dregeredh a dhur bys vykken.

Salmow 107:1

Grassewgh dhe'n Arloedh, rag ev yw da; rag y dregeredh a dhur bys vykken.

Salmow 118:1

Grassewgh dhe'n Arloedh, rag da yw; rag y dregeredh a dhur bys vykken.

Salmow 131:1

Arloedh, nyns yw ow holonn goethus, ha nyns yw ow dewlagas ughel; ny omrov dhe daklow meur, na dhe daklow re varthys ragov.

Salmow 135:3

Gormelewgh an Arloedh, rag da yw an Arloedh; kenewgh gormola dh'y hanow, rag grassyes yw.

Salmow 47:1

Takyewgh diwleuv, hwi boblow oll; kenewgh dhe Dhuw gans lev lowender.

Salmow 47:5

Duw re yskynnas gans garm lowender, an Arloedh gans lev an trompa.

Eksodus 15:21

Ha Miryam a worthybis dhedha, ‘Kenewgh dhe'n Arloedh rag ev a dryghis yn splann, an margh ha'y varghek ev re dewlis y'n mor.’

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 44:23

Kenewgh, A nevow, rag an Arloedh re'n gwrug, germewgh, A dhownderyow an norvys; germewgh gans joy, A venydhyow, An goeswik ha pub gwydhenn eus ynno! Rag an Arloedh re dhasprenas Yakob, hag ev a vydh glorifiys yn Ysrael.

Ysay 6:3

An eyl a elwi dh'y gila, ow leverel, ‘Sans, sans, sans, Arloedh an luyow, oll an norvys yw leun a'y glori.’

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Haggay 2:3

Piw yw gesys yntredhowgh a welas an chi ma yn y golewder kyns? Ha fatell y'n gwelowgh lemmyn? A ny hevel ev kepar ha travyth yn agas dewlagas hwi?

Zekaria 4:7

Piw osta, A venydh krev? A-rag Zerubbabel y fydhydh gwastattir. Ena ev a wra dri yn-mes an pennmen, hag i ow karma, “Ras! Ras dhodho!” ’

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Luk 1:50

hag yma y dregeredh a unn henedh dhe'n nessa dhe'n re a berth own anodho.

Yoshua 6:10

Yoshua a worhemmynnis dhe'n lu ow leverel: ‘Na ermewgh, ha na esewgh agas lev dhe vos klewys, ha na esewgh ger dhe vos yn-mes agas ganow bys pan leverriv orthowgh dhe arma. Ena hwi a wra garma.’

Yoshua 6:16

An seythves gweyth, pan hwythas an oferysi an hirgern, Yoshua a leveris dhe'n lu, ‘Germewgh! rag an Arloedh re ros dhywgh an sita.

Yoshua 6:5

Pan hwythons gans kern an hordhes, kettell glewowgh son an hirgorn, garmes oll lu gans garm vras; ena fos an sita a goedh yn hy le, ha gas oll lu dhe vos yn-bann, pub gour ow kerdhes a-ji yn tidro.’