Ezra 3:10 - An Bibel Kernewek 20234 (Kernewek Kemmyn)

¹⁰ Ha pan fondyas an weythoryon sel tempel an Arloedh, an oferysi yn aga dillas a dheuth yn-rag gans hirgern, ha'n Levysi mebyon Asaf gans symbalys, rag gormel an Arloedh, ow siwya kevarwoedhyans Davydh myghtern Ysrael.

Ezra 3:10 Iomraidhean Croise

1 Kroniklys 15:24

Shebania, Yoshafat, Nethanel, Amasay, Zekaria, Benaya, hag Eliezer, an oferysi, a vedha ow hwytha an hirgern a-dherag argh Duw. Obed-edom ha Yehia ynwedh a vedha porthoryon rag an argh.

1 Kroniklys 15:27

Davydh a veu gwiskys yn goen a sendal, dell o ynwedh oll an Levysi neb a dhug an argh, ha'n ganoryon, ha'n pennkenyas Kenania a'n jevo charj a'n ganoryon. Davydh ynwedh a wiskas efod lien.

1 Kroniklys 16:37

Davydh a asas Asaf ha'y vreder ena a-rag argh kevambos an Arloedh dhe venystra heb hedhi a-rag an argh, herwydh edhomm pub dydh.

1 Kroniklys 16:42

Heman, ha Yeduthun a'n jevo hirgern ha symbalys rag an menestrouthi ha daffar rag kanow sans. Ha mebyon Yeduthun o desedhys orth an porth.

1 Kroniklys 23:5

peswar mil a vydh porthoryon ha peswar mil a wormel an Arloedh gans an daffar menestrouthi re wrug rag gormel.’

1 Kroniklys 25:25

an etegves dhe Hanani, y vebyon ha'y vreder, dewdhek;

2 Kroniklys 35:14

Wosa henna i a bareusis ragdha aga honan ha rag an oferysi drefenn bos an oferysi, mebyon Aron, fest bysi owth offrynna an offrynnow leskys ha'n rannow blonegek bys y'n nos; yndella an Levysi a bareusis ragdha aga honan ha rag an oferysi, mebyon Aron.

2 Kroniklys 35:15

Yth esa an ganoryon, mebyon Asaf, yn aga thyller, herwydh gorhemmynn Davydh, Asaf, Heman, ha Yeduthun gwelesydh an myghtern. Yth esa gwithysi an yetow orth pub yet; ny's tevo edhomm a woderri aga servis, rag aga breder, an Levysi a bareusis ragdha.

2 Kroniklys 5:12

hag oll kanoryon an Levysi, Asaf, Heman, ha Yeduthun, aga mebyon ha'ga breder, gwiskys yn lien fin, gans symbalys, telynnow, ha sowtris, a sevis a'n howldrehevel dhe'n alter, keveylys gans kans oferyas warn ugens ow hwytha hirgern.

Ezra 2:41

An ganoryon: mebyon Asaf, eth ha hwegh ugens.

Ezra 5:16

Ena an keth Sheshbassar a dheuth, ha settya selyow chi Duw usi yn Yerusalem: hag a-dhia'n eur na bys lemmyn ev re beu ow pos drehevys, ha nyns yw gorfennys hwath.’

Salmow 150:5

Gormelewgh ev war an symbalys kesson; gormelewgh ev war an symbalys ughel aga son.

Haggay 2:15

Ha lemmyn, my a'gas pys, prederewgh a-dhia'n jydh ma yn-rag, kyns men dhe vos gorrys war ven yn tempel an Arloedh,

Zekaria 4:10

Piw a fi an jydh a bythow byghan? I a wra lowenhe pan welons an plemmik yn leuv Zerubbabel. ‘An seyth ma yw lagasow an Arloedh a wander hys-ha-hys a-dro dhe'n nor.’

Zekaria 4:6

Ena ev a leveris dhymm, ‘Hemm yw ger an Arloedh dhe Zerubbabel: Ny vydh gans galloes na gans nerth, mes gans ow Spyrys, yn-medh Arloedh an luyow.

Zekaria 4:7

Piw osta, A venydh krev? A-rag Zerubbabel y fydhydh gwastattir. Ena ev a wra dri yn-mes an pennmen, hag i ow karma, “Ras! Ras dhodho!” ’

Zekaria 6:12

Lavar dhodho, Yndellma y lever Arloedh an luyow: Awotta'n gour, Skorrenn y hanow, hag ev a dyv a-dhiworth y le ha drehevel tempel an Arloedh.

Zekaria 7:3

ow leverel dhe'n oferysi yn chi Arloedh an luyow ha dhe'n brofoesi, ‘A dalav galari ha gul penys y'n pympes mis, dell wren vy nans yw lies blydhen?’

1 Samuel 22:18

Ena an myghtern a leveris dhe Doeg, ‘Ty, Doeg, treyl ha koedh war an oferysi.’ Ytho Doeg an Edomyas a dreylyas ha koedha war an oferysi, ha ladha y'n jydh na pymp gour ha peswar-ugens neb a wiska efod a lien.