Ezra 3:1 - An Bibel Kernewek 20234 (Kernewek Kemmyn)

¹ Pan dheuth an seythves mis, ha mebyon Ysrael y'n sitys, an bobel a omguntellas gans unn akord yn Yerusalem.

Ezra 3:1 Iomraidhean Croise

Nehemia 7:72

An sommenn res gans remenant an bobel o ugens mil dharik a owr, ha dew vil vina a arghans ha seyth gwisk oferyas ha tri-ugens.

Nehemia 7:73

Ytho yth esa an oferysi ha'n Levysi ha'n borthoryon ha'n ganoryon ha re a'n bobel, ha'n Nethinim, hag oll Ysrael, trigys yn aga threvow. Ha pan dheuth an seythves mis, yth esa mebyon Ysrael yn aga threvow.

Nehemia 8:1

Oll an bobel a omguntellas gans unn akord y'n plen a-dherag Yet an Dowr; hag i a leveris dhe Ezra an skriba dhe dhri lyver lagha Moyses a wrussa an Arloedh erghi dhe Ysrael.

Nehemia 8:14

Hag i a gavas skrifys y'n lagha a wrug an Arloedh hy erghi dre Moyses, may trikka mebyon Ysrael yn skovvaow yn goel an seythves mis,

Levitikus 16:29

Ha hemma a vydh ordenans ragowgh bys vykken: y'n seythves mis, yn degves dydh an mis, hwi a omjasti ha ny wrewgh ober vyth, naneyl genesik nag alyon trigys yn agas mysk,

Levitikus 23:24

Kows orth mebyon Ysrael, ow leverel: Y'n seythves mis, yn kynsa dydh an mis, y fydh dhywgh sabot solem, kovadh deklarys gans hwytha hirgern, kuntelles sans.

Sefania 3:9

Rag ena my a dhaskorr gweusyow pur dhe'n poblow may halwons i oll war hanow an Arloedh rag y servya gans unn akord.

Oberow 2:46

Ha pub dydh oll ow pesya yn tiwysyk ha keskolonn y'n tempel, hag ow terri bara yn aga chiow, i a gevrenna boes, heudh ha sempel aga holonnow,

Oberow 4:32

Lemmyn routh an re a grysi o unnverhes yn kolonn hag enev, ha denvyth ny leveris bos an pythow a berghennas dhodho ev y honan, mes pup-tra o kemmyn dhedha.

1 Korinthianys 1:10

My a'gas pys, breder, dre hanow agan Arloedh Yesu Krist, may leverrowgh an keth tra, na vo folsyow vyth yn agas mysk, mes may fowgh hwi kesunys y'n keth brys hag y'n keth kowses.

Dewteronomi 16:16

Teyrgweyth y'n vlydhen pub gorreydh ahanowgh a vydh gwelys a-rag an Arloedh dha Dhuw y'n tyller a wra y dhewis: yn goel an bara heb goell, yn dy'goel an seythunyow, hag yn goel an skovvaow; ha ny vydh gwelys a-rag an Arloedh gwag y leuv.

Breusysi 20:1

Ena oll mebyon Ysrael a dheuth yn-mes, dhiworth Dan bys yn Beer-sheba, yn aga mysk pow Gilead, ha'n bobel a omguntellas yn unn bagas a-rag an Arloedh yn Mispa.