Ezra 10:3 - An Bibel Kernewek 20234 (Kernewek Kemmyn)

³ Lemmyn gwren ni kevambos gans agan Duw dhe dhannvon yn-kerdh oll an gwragedh, ha'n re dineythys anedha, herwydh kusul ow arloedh, ha dhe'n re a berth own a worhemmynn agan Duw. Bedhes gwrys herwydh an lagha.

Ezra 10:3 Iomraidhean Croise

2 Myghternedh 11:17

Yehoyada a wrug kevambos ynter an Arloedh ha'n myghtern ha'n bobel, may fedhens i pobel an Arloedh; hag ev a wrug kevambos ynter an myghtern ha'n bobel ynwedh.

2 Kroniklys 29:10

Yndella yma y'm kolonn gul kevambos gans an Arloedh Duw Ysrael, rag may treyllyo y sorr dhiworthyn.

2 Kroniklys 30:12

Yth esa leuv Duw war Yuda ynwedh rag ri dhedha unn brys dhe wul an pyth a worhemmynnis an myghtern ha'n soedhogyon dre er an Arloedh.

2 Kroniklys 34:21

‘Kewgh, hwila orth an Arloedh ragov vy ha rag an re yw gesys yn Ysrael hag yn Yuda, a-dro dhe eryow an lyver re beu kevys. Rag meur yw konnar an Arloedh yw diverys warnan, drefenn na withas agan tasow ger an Arloedh, dhe wul herwydh oll yw skrifys y'n lyver ma.’

2 Kroniklys 34:27

drefenn bos dha golonn medhel ha drefenn ty dhe omuvelhe a-rag Duw pan glewsys y eryow erbynn an tyller ma ha'y drigoryon, hag omuvelhe a-ragov, ha skwardya dha dhillas hag oela a-ragov, my re'th klewas, a lever an Arloedh.

Ezra 10:11

Lemmyn ytho rewgh grasyans dhe'n Arloedh, Duw agas tasow, ha gwrewgh y vodh: omdhiberthewgh a-dhiworth poblow an pow, hag a-dhiworth an gwragedh estren.’

Ezra 10:44

Oll an re ma a gemmeras gwragedh estren, ha re anedha i a's dannvonas dhe-ves gans aga fleghes.

Ezra 10:9

Oll gwer Yuda ha Benyamin a omguntellas yn Yerusalem a-ji dhe dri dydh. An nawves mis o, ugensves dydh an mis. Oll an bobel a esedhas y'n plen a-rag chi Duw, ow krena drefenn an mater ma, ha drefenn an glaw meur.

Ezra 9:4

Ena pubonan neb a dhegrena orth geryow Duw Ysrael a omguntellas a-dro dhymm, drefenn dislelder an dhivresow, ha my a esedhas dyegrys bys offrynn an gorthugher.

Nehemia 10:1

An re neb a worras aga sel a veu Nehemia an governour, mab Hakalia, ha Sedekia;

Nehemia 8:14

Hag i a gavas skrifys y'n lagha a wrug an Arloedh hy erghi dre Moyses, may trikka mebyon Ysrael yn skovvaow yn goel an seythves mis,

Nehemia 9:38

Drefenn hemma oll, ni a wra kevambos fyrv, ha'y skrifa; ha war an skrifenn selys yma henwyn agan pennsevigyon, agan Levysi, ha'gan oferysi.

Salmow 119:120

Ow hig a gren rag own ahanas, ha my a berth own a'th vreusow.

Salmow 119:59

My a brederis a'm fordhow ha treylya ow threys troha'th tustuniow.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’

Dewteronomi 29:12

rag mayth entrowgh yn kevambos an Arloedh dha Dhuw hag yn y volleth usi an Arloedh dha Dhuw ow kul genes hedhyw,

Yoshua 9:6

I eth dhe Yoshua, dhe'n kamp yn Gilgal, ha leverel dhodho ha dhe wer Ysrael, ‘Ni re dheuth dhiworth pow pell; ytho gwrewgh kevambos genen lemmyn.’