Ezra 1:3 - An Bibel Kernewek 20234 (Kernewek Kemmyn)

³ Piwpynag a vo yn agas mysk yn-mes a oll y bobel a yll mos yn-bann dhe Yerusalem usi yn Yuda ha drehevel chi an Arloedh, Duw Ysrael – ev yw an Duw usi yn Yerusalem – ro bo y Dhuw ganso.

Ezra 1:3 Iomraidhean Croise

1 Myghternedh 18:39

Pan y'n gwelas oll an bobel, i a goedhas war aga fas ha leverel, ‘An Arloedh, ev yw Duw, an Arloedh, ev yw Duw.’

1 Myghternedh 8:23

Ev a leveris. ‘A Arloedh, Duw Ysrael, nyns eus Duw avellos yn nev a-vann na war an nor a-woeles, ow kwitha an kevambos ha tregeredh rag dha wesyon a gerdh a-ragos gans oll aga holonn.

1 Kroniklys 28:20

Y'n eur na Davydh a leveris dhe Solomon y vab, ‘Bydh krev ha bydh kolonnek ha gwra an ober. Na borth own, na vydh digennerthys, rag yma genes an Arloedh Duw, ow Duw. Ny wra dha asa na dha eskasa erna vo gorfennys oll an ober rag servis chi an Arloedh.

Ezra 1:4

Ha pub treusvewer yn pub tyller may ma trigys, re'n gweresso gwer y dyller gans arghans, ha gans owr, ha gans gwara, ha gans chatel, war-barth gans an offrynnow bolonjedhek rag chi Duw usi yn Yerusalem.’

Ezra 4:3

Mes Zerubbabel, Yeshua ha'n bennow teyluyow erell a Ysrael, a leveris dhedha, ‘Ny'gas beus travyth dhe wul genen rag drehevel chi dh'agan Duw; mes ni agan honan war-barth a vynn drehevel rag an Arloedh, Duw Ysrael, dell erghis dhyn myghtern Kyrus, myghtern Persia.’

Ezra 5:13

‘Byttegyns, yn kynsa blydhen Kyrus myghtern Babylon, Kyrus an myghtern a dhellos arghadow rag dastrehevel an chi ma a Dhuw.

Ezra 5:3

Yn kettermyn Tattenay, governour an rannvro Dres-an-Avon, ha Shethar-bozenay, ha'ga heskowetha a dheuth dhedha, ha kewsel dhedha yndella, ‘Piw re ros dhywgh arghadow dhe dhrehevel an chi ma, ha dhe gowlwul an fosow ma?’

Ezra 6:7

na vellyewgh gans gweyth an chi ma a Dhuw; gesewgh governour an Yedhewon ha henavogyon an Yedhewon dhe dhrehevel an chi ma a Dhuw yn y dyller.

Salmow 132:13

Rag an Arloedh re dhewisas Sion, ev re yeunis war hy lergh dhe vos trigva dhodho:

Salmow 83:18

Ena i a wodhvydh ty dha honan neb yw dha hanow an Arloedh dhe vos an Ughella dres oll an nor.

Ysay 37:16

‘A Arloedh an luyow, Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys. Ty re wrug nev ha nor.

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Ysay 45:5

My yw an Arloedh, ha nyns eus ken; a-der my nyns eus duw; my a'th arv, kyn na'm aswonnsys,

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Daniel 2:47

Yn-medh an myghtern dhe Daniel, ‘Yn hwir yth yw dha Dhuw Duw a dhuwow, hag Arloedh a vyghternedh, ha diskudher a gevrinyow, rag ty re allas diskudha an kevrin ma.’

Daniel 6:26

Ordenans a wrav, yn pub arloetteth a'm ruvaneth, may hwrello tus krena ha kavoes own a-rag Duw Daniel, Rag ev yw an Duw bew, neb a dhur bys vykken; nevra ny vydh y wlaskor distruys, ha'y roweth a vydh bys y'n diwedh.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Oberow 10:36

Hwi a woer an ger a dhannvonas ev dhe vebyon Ysrael, ow pregoth kres dre Yesu Krist neb yw Arloedh peub oll.

Dewteronomi 32:31

Rag nyns yw aga harrek i haval dh'agan Karrek ni, dell yll agan eskerens aga honan breusi.

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’