Ezra 1:1 - An Bibel Kernewek 20234 (Kernewek Kemmyn)

¹ Yn kynsa blydhen Kyrus myghtern Persia, may fe kollenwys ger an Arloedh dre anow Yeremia, an Arloedh a wrug spyrys Kyrus myghtern Persia dhe dhifuna, may tannvonna gwarnyans der y wlaskor oll, hag ynwedh ev a'n gwrug yn skrif, ow leverel,

Ezra 1:1 Iomraidhean Croise

Ezra 1:5

Pennow teyluyow Yuda ha Benyamin ha'n oferysi ha'n Levysi a sevis, gans oll an re may hwrug Duw dh'aga spyrys difuna, dhe vones yn-bann ha drehevel chi an Arloedh usi yn Yerusalem.

Ezra 4:3

Mes Zerubbabel, Yeshua ha'n bennow teyluyow erell a Ysrael, a leveris dhedha, ‘Ny'gas beus travyth dhe wul genen rag drehevel chi dh'agan Duw; mes ni agan honan war-barth a vynn drehevel rag an Arloedh, Duw Ysrael, dell erghis dhyn myghtern Kyrus, myghtern Persia.’

Ezra 6:14

Ha henavogyon an Yedhewon a dhrehevis, ha sewena dre brofoesans Haggay an profoes ha Zekaria mab Iddo. Hag i worfennas drehevel herwydh gorhemmynn Duw Ysrael, ha herwydh arghadow Kyrus, ha Darius, hag Artakserkses myghternedh Persia.

Ezra 6:22

ha solempnya goel an bara heb goell dres seyth dydh gans lowena, rag an Arloedh a's lowenhas, ha treylya kolonn myghtern Asshur dhedha, rag aga gweres yn ober chi Duw, Duw Ysrael.

Ezra 6:3

Yn kynsa blydhen Kyrus an myghtern, an myghtern a dhellos arghadow a-dro dhe ji Duw yn Yerusalem: Bedhes dastrehevys an chi, le mayth offrynnons sakrifisow, ha bedhes offrynnow leskys dres; tri-ugens kevelin a vydh y ughelder, ha tri-ugens kevelin y les,

Ezra 7:27

Benniges re bo an Arloedh, Duw agan tasow, re worras mater a'n par ma yn kolonn an myghtern, rag ri enor dhe ji an Arloedh usi yn Yerusalem,

Salmow 106:46

hag ev a wrug dhedha kavoes truedh dhiworth oll an re a's kemmeras yn kethneth.

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Ysay 45:1

Yndellma y lever an Arloedh dh'y untys, dhe Kyrus, neb a synsis vy er y leuv dhyghow, rag fetha kenedhlow a-ragdho, ha dhe dhigelmi diwglun myghternedh, dhe igeri darasow a-ragdho, ha ny vydh yetys deges:

Yeremia 1:1

Geryow Yeremia mab Hilkia, onan a'n oferysi esa yn Anathoth yn pow Benyamin,

Yeremia 29:10

Rag yndellma y lever an Arloedh: Pan vydh kowlwrys deg blydhen ha tri-ugens yn Babylon, my a'gas visit, ha kewera ow ger da dhywgh ha'gas dri arta dhe'n tyller ma.

Ezekiel 38:5

Yma Persia hag Ethiopia gansa, i oll gans skoesow ha basnettow;

Daniel 1:21

Ha Daniel a veu ena bys yn kynsa blydhen myghtern Kyrus.

Daniel 2:1

Y'n nessa blydhen a reyn Nebukadnessar, Nebukadnessar a'n jeva hunrosow; ha'y spyrys a veu troblys, ha'y gosk a'n gasas.

Daniel 6:25

Ena myghtern Darius a skrifas dhe oll an poblow, kenedhlow ha tavosow trigys y'n norvys oll: ‘Pals re bo agas kres!

Daniel 9:2

yn kynsa blydhen y reyn, my, Daniel, a gonvedhas der an lyvrow bos niver an vlydhynyow rag kowlwul gwastyans Yerusalem, herwydh ger an Arloedh dhe Yeremia an profoes, deg blydhen ha tri-ugens.

Yowann 1:23

Yn-medh ev, ‘My yw lev onan ow kria y'n gwylvos, “Gwra hyns an Arloedh kompes”, dell leveris Ysay an profoes.’