Ester 9:4 - An Bibel Kernewek 20234 (Kernewek Kemmyn)

⁴ Rag bras yn chi an myghtern o Mordekay, hag yth esa y er-da ow mos der oll an rannvroyow: ha meuredh an gour Mordekay a devi moy ha moy.

Ester 9:4 Iomraidhean Croise

2 Samuel 3:1

An vresel o hir yntra chi Sowl ha chi Davydh; Davydh eth ha bos kreffa, ha chi Sowl eth ha bos gwanna.

1 Kroniklys 11:9

Davydh a dheuth ha bos moy ha moy nerthek, rag yth esa Arloedh an luyow ganso.

1 Kroniklys 14:17

Ger-da Davydh a lesas der oll an powyow ha'n Arloedh a dhros own anodho war oll an kenedhlow.

Ester 10:2

Oll gweythresow y alloes ha'y nerth, ha'n derivadow kewar a veuredh Mordekay may hwrug an myghtern y avonsya, a nyns yns i skrifys yn lyver kovadhow myghternedh Media ha Persia?

Salmow 1:3

Ev a vydh avel gwydhenn plynsys ryb goverow dowr, ow ri hy frut yn hy seson, ha ny wedher hy del. Hag yn pup-tra a wra, ev a sewen.

Salmow 18:43

Ty re'm delivras dhiworth strifow an bobel, ha'm gorra yn penn an kenedhlow; pobel na aswonnis vy a wra ow servya.

Salmow 92:13

An re yw plynsys yn chi an Arloedh, a las yn klosyow agan Duw.

Eksodus 11:3

Ha'n Arloedh a ros gras dhe'n bobel yn golok an Ejyptianys. Dhe voy, Moyses o gour pur veur yn pow Ejyp, yn golok servysi Faro hag yn golok an bobel.

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Sefania 3:19

Otta, y'n termyn na My a ober erbynn oll myns a'th arwask y'n termyn na: ha my a saw an deves klof, ha kuntell an deves skattrys; ha my a's sett rag gormel ha ger-da yn oll an broyow a'ga meth.

Matthew 4:24

ha'n son anodho a omlesas dres oll Syria, hag i a dhros dhodho oll an dus plagys gans lies eghenn a glevesow ha tormentys, ha'n re dalghennys gans dywolow, ha'n loerogyon ha'n balsyon, hag ev a's sawyas.

Yoshua 6:27

Ytho yth esa an Arloedh gans Yoshua; ha'y er-da a omlesas der oll an tir.

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.