Ester 9:3 - An Bibel Kernewek 20234 (Kernewek Kemmyn)

³ Hag oll pennsevigyon an rannvroyow, ha'n wahalyethow, ha'n wovernours, ha menystoryon an myghtern, a weresas an Yedhewon; rag bos koedhys warnedha own a Mordekay.

Ester 9:3 Iomraidhean Croise

Ezra 2:2

I a dheuth gans Zerubbabel, Yeshua, Nehemia, Seraya, Reelaya, Mordekay, Bilshan, Mispar, Bigvay, Rehum, Baana. Niver gwer pobel Ysrael:

Ezra 8:36

Hag i a dhelivras arghadowyow an myghtern dhe wahalyethow an myghtern, ha dhe wovernours an rannvro Dres-an-Avon: hag i a skoedhyas an bobel ha chi Duw.

Ester 3:12

Ena skrifwesyon an myghtern a veu gelwys y'n kynsa mis, y'n trydhegves dydh, ha skrifys veu poran dell arghsa Haman, dhe wahalyethow an myghtern ha dhe wovernours pub rannvro, ha dhe bennsevigyon pub pobel; dhe bub rannvro herwydh y skrif, ha dhe bub pobel herwydh hy thaves; y feu skrifys yn hanow an myghtern Ahasuerus, ha selys veu gans bysow an myghtern.

Ester 8:17

hag yn pub rannvro, hag yn pub sita, plepynag y teffa gorhemmynn an myghtern ha'y arghadow, dhe'n Yedhewon yth esa heudhder ha lowender, kevewi ha dydh da. Ha lies huni dhiworth poblow an tir eth ha bos Yedhewon rag own a'n Yedhewon.

Ester 8:5

Yn-medh hi, ‘Mar pleg dhe'n myghtern, ha mar kaffen vy gras a-dheragdho, ha mars yw a'n dra ewn a-ragdho, ha my plegadow yn y wolok, bedhes skrifys bos defendys dhe-ves an lytherow devisys gans Haman mab Hammedatha an Agagyas, a skrifas rag distrui an Yedhewon usi yn oll rannvroyow an myghtern:

Ester 8:9

Ena, gelwys veu skrifwesyon an myghtern y'n eur na, y'n tressa mis, yw an mis Sivan, y'n tressa dydh warn ugens anodho; ha skrifys veu herwydh pup-tra a wrug Mordekay y erghi dhe'n Yedhewon, ha dhe'n wahalyethow, ha governours ha pennsevigyon an rannvroyow esa a-dhiworth Eynda bys yn Ethiopia, seyth rannvro ha hwegh ugens, dhe bub rannvro herwydh hy skrif, ha dhe bub pobel herwydh hy thaves, ha dhe'n Yedhewon herwydh aga skrif ha herwydh aga thaves.

Daniel 3:2

ha Nebukadnessar an myghtern a dhannvonas rag kuntell an wahalyethow, an bennternedh, ha'n wovernours, an vreusysi, an alhwedhoryon, an gusulyadoryon, an justisyow hag oll soedhogyon an rannvro, rag dones dhe sakrans an delow a wrussa Nebukadnessar an myghtern y dhrehevel.