Ester 9:29 - An Bibel Kernewek 20234 (Kernewek Kemmyn)

²⁹ Ena Ester an vyghternes, myrgh Abihayl, ha Mordekay an Yedhow, a skrifas gans awtorita leun owth afydhya an nessa lyther ma a-dro dhe Purim.

Ester 9:29 Iomraidhean Croise

Ester 2:15

Pan dheuth torn Ester, myrgh Abihayl ewnter Mordekay neb a's kemmersa avel y vyrgh ev, mayth ella bys y'n myghtern, ny wovynnas hi travyth orth Hegay spadhesik an myghtern ha gwithyas an benynes, saw an pyth a brofyas ev. Hag Ester a gavas gras yn golok oll an re a viri warnedhi.

Ester 3:15

An boenyoryon eth dhe-ves toeth men herwydh gorhemmynn an myghtern, ha dyllys veu an arghadow yn Shushan an bennsita. An myghtern ha Haman a esedhas rag eva; mes penndegys o an sita Shushan.

Ester 8:10

Ha skrifa a wrug ev yn hanow an myghtern Ahasuerus, ha'y selya gans bysow an myghtern, ha dannvon lytherow a wrug dre leuv kannasow war geyn margh, marghogyon owth ehwias war vergh skav, dineythys gans an kasegi ryel.

Ester 9:20

Mordekay a skrifas an taklow ma, ha dannvon lytherow dhe oll an Yedhewon esa yn oll rannvroyow myghtern Ahasuerus, ogas ha pell,

Ester 9:21

rag charjya dhedha may synsens peswardhegves dydh an mis Adar, ha'n pymthegves dydh anodho pub blydhen,

Ester 9:28

ha'n dydhyow ma dhe vos goelys dre bub henedh, pub teylu, pub rannvro, ha pub sita; ha na goettha an dydhyow ma a Purim yn mysk an Yedhewon, ha na ve kellys aga hov yn mysk aga has.