Ester 9:25 - An Bibel Kernewek 20234 (Kernewek Kemmyn)

²⁵ mes pan veu hi devedhys a-rag an myghtern, ev a erghis dre lytherow may tehwella y dhroktowl a dowlsa erbynn an Yedhewon war y benn y honan, ha bos ev ha'y vebyon kregys war an wydhenn.

Ester 9:25 Iomraidhean Croise

1 Myghternedh 8:32

ena, klew yn nev, ha gweythres, ha breus dha wesyon, ow tampnya an den kablus dre dhri y fara war y benn y honan ha previ ewn an den gwiryon orth y wobra herwydh y ewnder.

Ester 3:6

Mes ev a skornyas settya dalghenn yn Mordekay y honan heb denvyth arall; rag i a dherivsa dhodho piw o pobel Mordekay. Ytho Haman a hwilas distrui oll an Yedhewon esa yn oll gwlaskor Ahasuerus, pobel Mordekay.

Ester 7:10

Ytho, i a grogas Haman war an wydhenn a bareussa ev rag Mordekay, hag yndella koselhes veu konnar an myghtern.

Ester 7:4

Rag gwerthys on ni, my ha'm pobel, dhe vos distruys ha ledhys ha dhe verwel. Mes a pen ni gwerthys avel kethyon ha maghtethyon my a wrussa dhe'm taves tewel, a-ban nag yw agan ahwer kehaval dhe'n koll dhe'n myghtern.’

Ester 7:5

Ena myghtern Ahasuerus a gewsis ha leverel dhe Ester an vyghternes, ‘Piw yw ev, ha ple'ma ev neb a vynnsa lavasos yn y golonn gul yndella?’

Salmow 140:8

Na wront, A Arloedh, mynnas an tebelwas; na wra dh'y dhroktowl spedya. Sela.

Salmow 140:9

‘An re a omsett a-dro dhymm a dhrehav aga fennow; gwres dregynn aga diwweus aga fetha.

Salmow 141:10

Koedhes an debeles yn aga roesow aga honan, ha my ow tremena yn saw.

Salmow 7:16

Y dhregynn a dreyl war y benn y honan, ha'y arowder a dhiyskynn war y glopenn y honan.

Salmow 7:17

My a wormel an Arloedh herwydh y ewnder, ha kana gormola dhe hanow an Arloedh, an Ughella.

Salmow 94:23

Ev a attal dhedha aga sherewneth aga honan, ha'ga distrui yn aga droktra aga honan; devri, an Arloedh agan Duw a wra aga hisya.

Lavarow Koth 26:27

Neb a bal pytt a goedh ynno, ha mar rol men, ev a rol war-dhelergh warnodho.

Lavarow Koth 5:22

An tebelwas yw maglennys gans y gammweythresow y honan, hag ev a vydh synsys fast yn kerdyn y begh.

Ysay 22:25

Y'n jydh na, yn-medh Arloedh an luyow, y fydh removyes an ebil a veu kentrys yn tyller sur; treghys vydh, hag ev a goedh, ha'n begh esa warnodho a vydh treghys mes, rag an Arloedh re gewsis.

Obadia 1:15

Rag ogas yw dydh an Arloedh rag oll an kenedhlow. Kepar dell wrussys, yndellma y fydh gwrys dhiso jy; dha attal a dheu war dha benn dha honan.

Matthew 21:44

Ha neb a goedh war an men ma a vydh terrys dhe demmyn, mes neb may koettho an men warnodho, ev a vydh skwattys dhe dhoust.’

1 Samuel 25:39

Ha pan glewas Davydh bos Nabal marow, yn-medh ev, ‘Benniges re bo an Arloedh neb re ventenas ow hen rag an despit dhiworth leuv Nabal, hag ev re withas y was dhiworth drog; rag an Arloedh re dreylyas drogober Nabal war y benn y honan.’ Ena Davydh a dhannvonas ha kewsel gans Abigayl, dh'y hemmeres dhodho, dh'y hemmeres avel y wreg.