Ester 9:19 - An Bibel Kernewek 20234 (Kernewek Kemmyn)

¹⁹ Rakhenna Yedhewon an godrevi usi trigys y'n trevow heb fosow a syns peswardhegves dydh an mis Adar avel dydh a heudhder hag a gevewya, ha dydh da, hag a dhannvon rohow a voes an eyl dh'y gila.

Ester 9:19 Iomraidhean Croise

Ester 8:17

hag yn pub rannvro, hag yn pub sita, plepynag y teffa gorhemmynn an myghtern ha'y arghadow, dhe'n Yedhewon yth esa heudhder ha lowender, kevewi ha dydh da. Ha lies huni dhiworth poblow an tir eth ha bos Yedhewon rag own a'n Yedhewon.

Ester 9:20

Mordekay a skrifas an taklow ma, ha dannvon lytherow dhe oll an Yedhewon esa yn oll rannvroyow myghtern Ahasuerus, ogas ha pell,

Ester 9:22

avel an dydhyow may feu dhe'n Yedhewon powes dhiworth aga eskerens, ha'n mis hag a veu treylys ragdha dhiworth ahwer dhe heudhder, ha dhiworth kynvann dhe dhydh da: ma's gwrellens dydhyow a gevewya hag a heudhder, hag a dhannvon rohow a voes an eyl dh'y gila, hag a dhannvon rohow dhe'n voghosogyon.

Zekaria 2:4

ha leverel dhodho, ‘Poenya gwra, deriv orth an yonker na: Yerusalem a vydh sita heb fosow drefenn an myns meur a dus ha bestes a-ji dhedhi.

Luk 11:41

Mes rewgh alusen a'n pyth usi war-ji, hag otta pup-tra a vydh glan dhywgh.

Dewteronomi 15:7

Mars eus yntredhowgh boghosek a onan a'th vreder yn onan a'th yetys y'th tir a wra an Arloedh dha Dhuw y ri dhis, na galesha dha golonn ha na dhege dha leuv dhiworth dha vroder boghosek,

Dewteronomi 16:11

Ty a lowenha a-rag an Arloedh dha Dhuw, ty, ha'th vab, ha'th vyrgh, ha'th was, ha'th vaghteth, ha'n Levyas usi y'th yetys, ha'n alyon, ha'n omdhivas, ha'n wedhwes usi yntredhowgh y'n tyller a wra an Arloedh dha Dhuw y dhewis, dhe wul dh'y hanow triga ena.

Dewteronomi 16:14

Lowenha y'th ty'goel, ty ha'th vab, ha'th vyrgh, ha'th was, ha'th vaghteth, ha'n Levyas, ha'n alyon, ha'n omdhivas, ha'n wedhwes usi y'th yetys.

Dewteronomi 3:5

Oll an trevow ma a veu kerys gans fosow ughel, yetys ha barrys, ha dres henna fest lies tre heb fosow.

Diskwedhyans 11:10

Ha'n re a drig war an nor a wra lowenhe warnedha, ha heudhhe, ha dannvon rohow an eyl dh'y gila, rag an dhew brofoes ma a dormentyas an re usi trigys war an nor.

1 Samuel 25:8

Govynn orth dha wesyon, hag i a lever dhis. Rakhenna gas ow gwer yowynk dhe gavoes favour y'th wolok; rag ni re dheuth yn dydh feusik. Ro my a'th pys, pypynag a dheffo dhe'th leuv dhe'th wesyon ha dhe'th vab Davydh.” ’