Ester 8:5 - An Bibel Kernewek 20234 (Kernewek Kemmyn)

⁵ Yn-medh hi, ‘Mar pleg dhe'n myghtern, ha mar kaffen vy gras a-dheragdho, ha mars yw a'n dra ewn a-ragdho, ha my plegadow yn y wolok, bedhes skrifys bos defendys dhe-ves an lytherow devisys gans Haman mab Hammedatha an Agagyas, a skrifas rag distrui an Yedhewon usi yn oll rannvroyow an myghtern:

Ester 8:5 Iomraidhean Croise

Ester 2:17

Ha'n myghtern a garas Ester dres oll an benynes, ha hi a gavas gras ha favour a-ragdho moy ages oll an gwyrghesow; ytho ev a settyas an tulyfant ryel war hy fenn, ha'y gul myghternes yn le Vashti.

Ester 2:4

ha'n voren a blessyo an myghtern bedhes hi myghternes yn le Vashti.’ Hemma a blesyas an myghtern; hag yndella y hwrug ev.

Ester 3:1

Wosa an taklow ma, myghtern Ahasuerus a ughelhas Haman mab Hammedatha an Agagyas, ha'y avonsya, ha settya y se dres an bennsevigyon oll esa ganso.

Ester 5:8

Mar kevis vy gras yn golok an myghtern, ha mar pydh plegadow dhe'n myghtern grontya ow fysadow, ha kollenwel ow gorholedh, gwres an myghtern ha Haman dos dhe'n kevewi a wrav vy y bareusi ragdha, hag a-vorow my a wra herwydh ger an myghtern.’

Ester 7:3

Ena Ester an vyghternes a worthybis ow leverel, ‘Mar kevis vy gras y'th wolok, a vyghtern, ha mar pleg dhe'n myghtern, re bo res dhymm ow bewnans orth ow fysadow, ha'm pobel orth ow gorholedh.

Eksodus 33:13

Lemmyn ytho, my a'th pys, mar kevis gras y'th wolok, diskwedh dhymm lemmyn dha fordhow, ma'th aswonniv ha kavoes gras y'th wolok. Preder ynwedh bos an genedhel ma dha bobel.’

Eksodus 33:16

Rag fatell vydh godhvedhys y kevis gras y'th wolok, my ha'th pobel? A nyns yw ty ow kerdhes genen, may fen diblans, my ha'th pobel, a oll an poblow usi war enep an nor?’

1 Samuel 20:29

ev a leveris, “Gas vy dhe vones, my a'th pys; rag yma dh'agan teylu sakrifis y'n sita, ha'm broder re worhemmynnis dhymm bos ena. Ytho lemmyn, mar kevis favour y'th lagas, gas vy dhe vos, my a'th pys, may hallav gweles ow breder.” Rakhenna ny dheuth ev dhe voes an myghtern.’