Ester 8:15 - An Bibel Kernewek 20234 (Kernewek Kemmyn)

¹⁵ Ena Mordekay eth yn-mes dhiworth golok an myghtern, yn gwisk ryel, glas ha gwynn y liw, ha dhodho kurun vras a owr ha goen a lien fin ha purpur: ha'n sita Shushan a arma hag a lowenhi.

Ester 8:15 Iomraidhean Croise

Jenesis 41:42

Ha Faro a gemmeras y vysow-sel dhiworth y leuv ha'y worra war leuv Yosep ha'y wiska gans dillas a sendal ha gorra chayn owrek a-dro dh'y gonna;

Ester 1:6

Yth esa kroglennow a goton wynn ha pann glasrudh, kelmys gans kerdyn a lien fin ha purpur orth kylghyow a arghans ha kolovenyow a varbel. Yth esa growedhvaow a owr hag arghans war leur a veyn gwyrdh, marbel, askell ha meyn glaswyrdh.

Ester 10:2

Oll gweythresow y alloes ha'y nerth, ha'n derivadow kewar a veuredh Mordekay may hwrug an myghtern y avonsya, a nyns yns i skrifys yn lyver kovadhow myghternedh Media ha Persia?

Ester 3:15

An boenyoryon eth dhe-ves toeth men herwydh gorhemmynn an myghtern, ha dyllys veu an arghadow yn Shushan an bennsita. An myghtern ha Haman a esedhas rag eva; mes penndegys o an sita Shushan.

Ester 5:1

Lemmyn y'n tressa dydh, Ester a wiskas hy dillas ryel; ha sevel a wrug y'n klos pervedhel a balys an myghtern a-dal hel an myghtern. Yth esa an myghtern esedhys war y se ryel y'n hel ryel a-dal porth an palys.

Ester 5:11

Ha Haman a dherivas orta glori y rychys, ha palster y vebyon, ha'n taklow oll may hwrussa an myghtern dh'y voghhe ha'y avonsya a-ugh an bennsevigyon ha gwesyon an myghtern.

Ester 6:11

Ytho Haman a gemmeras an dillas ha'n margh, ha dillasa Mordekay, ha'y hembronk war geyn margh dre blen an sita, hag a grias a-ragdho, ‘Yndella y fydh gwrys dhe'n gour a vynn an myghtern y enora!’

Ester 6:8

bedhes kyrghys dillas ryel re wiskas an myghtern, ha'n margh may farghogas an myghtern, mayth eus kurun ryel settys war y benn,

Ester 8:14

An kannasow, marghogyon war vergh skav, askorr ryel, a ehwias yn-mes toeth da, ynniys gans gorhemmynn an myghtern. An arghadow a veu dyllys yn Shushan an bennsita.

Lavarow Koth 11:10

Pan a hi yn ta gans an re wiryon, an sita a lowenha, ha pan a an debeles dhe vann yma garmow a lowender.

Lavarow Koth 28:12

Pan yw an re wiryon fest heudhik, yma glori meur, mes pan drygh an debeles tus a omgudh.

Lavarow Koth 29:2

Pan ynkress an re wiryon, an bobel a lowenha, mes pan y'n jeves tebelwas an rewl, an bobel a gyn.

Matthew 11:8

Mes pandra ethewgh yn-mes dh'y weles? Den gwiskys yn dillas medhel? Otta, tus gwiskys yn dillas medhel, yn chiow myghternedh ymons.

Matthew 6:29

mes yn-medhav dhywgh, nyns o Solomon yn oll y splannder gwiskys kepar hag onan a'n re ma.

Luk 16:19

‘Yth esa den rych, neb a omwiska yn purpur ha sendal, ow kevewya yn splann pub dydh oll.