Ester 8:14 - An Bibel Kernewek 20234 (Kernewek Kemmyn)

¹⁴ An kannasow, marghogyon war vergh skav, askorr ryel, a ehwias yn-mes toeth da, ynniys gans gorhemmynn an myghtern. An arghadow a veu dyllys yn Shushan an bennsita.

Ester 8:14 Iomraidhean Croise

1 Myghternedh 4:28

I a dhre heydh ha kalav ynwedh rag an vergh ha vergh an charettow dhe'n tyller ewn, peub herwydh y jarj.

2 Kroniklys 30:6

Yndella poenyoryon eth der oll Ysrael ha Yuda gans lytherow dhiworth an myghtern ha'y soedhogyon war-lergh gorhemmynn an myghtern ow leverel, ‘A vebyon Ysrael, dehwelewgh dhe'n Arloedh, Duw Abraham, Ysak, hag Ysrael, rag may treyllyo arta dhe'n re ahanowgh a dhienkas dhiworth leuv myghternedh Assyria.

Nehemia 1:1

Geryow Nehemia mab Hakalia. Y'n mis Kislev, y'n ugensves blydhen, pan esen vy yn Shushan an bennsita,

Ester 1:2

y'n dydhyow na, pan o an myghtern Ahasuerus esedhys war se y wlaskor, esa yn Shushan an bennsita,

Ester 2:3

ha settyes an myghtern soedhogyon yn oll ranndiryow y wlaskor, may kuntellons war-barth oll an gwyrghesow yowynk ha teg bys yn Shushan an bennsita, dhe ji an benynes, yn gwith Hegay, spadhesik an myghtern, gwithyas an benynes; ha'ga oynmentys bedhens res dhedha;

Ester 3:13

Lytherow a veu dannvenys dre leuv poenyoryon bys yn oll rannvroyow an myghtern, dhe dhistrui, ladha ha diswul oll an Yedhewon, ha yowynk ha hen, fleghes ha benynes, yn unn jydh, y'n trydhegves dydh a'n dewdhegves mis, yw an mis Adar, ha may fe aga fythow pyllys.

Ester 3:14

Y feu dasskrif a dekst an arghadow dhe vos dyllys yn pub rannvro dhe'n poblow oll, may fens i parys erbynn an jydh na.

Ester 3:15

An boenyoryon eth dhe-ves toeth men herwydh gorhemmynn an myghtern, ha dyllys veu an arghadow yn Shushan an bennsita. An myghtern ha Haman a esedhas rag eva; mes penndegys o an sita Shushan.

Ester 8:13

Res veu dasskrif a'n tekst, dhe vos dyllys yn arghadow yn pub rannvro dhe'n poblow oll, ha may fe an Yedhewon parys erbynn an jydh na dhe omdhialla a'ga eskerens.

Ester 8:15

Ena Mordekay eth yn-mes dhiworth golok an myghtern, yn gwisk ryel, glas ha gwynn y liw, ha dhodho kurun vras a owr ha goen a lien fin ha purpur: ha'n sita Shushan a arma hag a lowenhi.

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.

Daniel 8:2

Ha my a welas y'n welesigeth, ha my ow mires, yth esen yn Shushan an bennsita, hag usi yn rannvro Elam. Ha my a welas y'n welesigeth, ow bos ryb an dowrgleudh Ulay.

1 Samuel 21:8

Davydh a wovynnis orth Ahimelek, ‘A nyns eus guw vyth po kledha omma genes? Rag ny dhres genev naneyl ow kledha na'm arvow, drefenn bos edhomm a fysk rag negys an myghtern.’