Ester 8:11 - An Bibel Kernewek 20234 (Kernewek Kemmyn)

¹¹ Dre hemma an myghtern a ros kummyas dhe'n Yedhewon esa yn pub sita, dhe omguntell war-barth ha gwitha aga bewnans, dhe dhistrui, ladha, ha diswul oll an nerth a bobel hag a rannvro, a vynnas aga assaltya, ha'ga fleghes ha'ga benynes; hag a bylla aga fythow avel preydh,

Ester 8:11 Iomraidhean Croise

Ester 3:13

Lytherow a veu dannvenys dre leuv poenyoryon bys yn oll rannvroyow an myghtern, dhe dhistrui, ladha ha diswul oll an Yedhewon, ha yowynk ha hen, fleghes ha benynes, yn unn jydh, y'n trydhegves dydh a'n dewdhegves mis, yw an mis Adar, ha may fe aga fythow pyllys.

Ester 9:18

Mes an Yedhewon esa yn Shushan a omguntellas war-barth yn y drydhegves dydh, hag yn y beswardhegves; hag ena y'n pymthegves dydh anodho i a bowesas, ha gul anodho dydh a gevewya hag a heudhder.

Salmow 137:8

A Vyrgh Babylon, re bi ty ynwedh distruys, gwynn y vys neb a attal dhis kepar dell wrussys dhyn ni.

Salmow 68:3

Mes lowenhes an re wiryon; bedhens heudhik a-dherag Duw; ha bedhens leun a joy.

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Ezekiel 39:10

Ny guntellons prenn dhiworth an gwel, na'y dreghi dhiworth an koeswigow, rag i a wra tan gans an arvow; i a gemmer preydh dhiworth an re a gemmeras preydh dhiworta i, hag i a byll an re a's pyllas i, yn-medh an Arloedh Duw.