Ester 8:1 - An Bibel Kernewek 20234 (Kernewek Kemmyn)

¹ Y'n jydh na, myghtern Ahasuerus a ros chi Haman, eskar an Yedhewon, dhe Ester an vyghternes. Ha Mordekay a dheuth a-dherag an myghtern; rag Ester a dherivsa fatell veu ev neskar dhedhi.

Ester 8:1 Iomraidhean Croise

Ester 1:14

hag yth esa yn y ogas Karshena, Shethar, Admatha, Tarshish, Meres, Marsena, ha Memukan, an seyth pennsevik a Persia ha Media, a weli fas an myghtern, hag o esedhys yn kynsa renk an wlaskor):

Ester 2:15

Pan dheuth torn Ester, myrgh Abihayl ewnter Mordekay neb a's kemmersa avel y vyrgh ev, mayth ella bys y'n myghtern, ny wovynnas hi travyth orth Hegay spadhesik an myghtern ha gwithyas an benynes, saw an pyth a brofyas ev. Hag Ester a gavas gras yn golok oll an re a viri warnedhi.

Ester 2:7

Ev re vagsa Hadassa, honn yw Ester, myrgh y ewnter, rag nyns esa dhedhi na tas na mamm, hag yth o an voren teg hy furv ha'y semlans; ha pan o hy thas ha'y mamm marow, Mordekay a's kemmeras avel y vyrgh y honan.

Ester 7:6

Yn-medh Ester, ‘Envi hag eskar! An tebel Haman ma!’ Ytho, yth esa euth dhe Haman a-dherag an myghtern ha'n vyghternes.

Ester 8:7

Ena yn-medh myghtern Ahasuerus dhe Ester an vyghternes ha dhe Mordekay an Yedhow, ‘Otta, my re ros dhe Ester chi Haman, hag i re'n krogas war an wydhenn, drefenn ev dhe settya dalghenn war an Yedhewon.

Salmow 39:6

Rag den a gerdh avel skeus; yn hwir ev yw troblys yn euver; ev a wra bern a rychys ha ny woer piw a'n kuntell.

Lavarow Koth 13:22

Den da a as eretons dhe vebyon y vebyon, mes pyth an peghador yw gwithys rag an den gwiryon.

Lavarow Koth 28:8

Neb a voghha y rychys der oker ha moghheans a'n kuntell a-barth den arall a vydh hegar dhe'n voghosogyon.

Luk 12:20

Mes Duw a leveris dhodho, “Ty foll, haneth y'n nos dha enev a vydh rekwirys dhiworthis; ha'n pythow a bareussys, piw dhodho y fydhons?”