Ester 7:9 - An Bibel Kernewek 20234 (Kernewek Kemmyn)

⁹ Ena yn-medh Harbona, onan a'n spadhesigyon esa a-dherag an myghtern, ‘Otta ynwedh, yma an wydhenn, hanter-kans kevelin hy ughelder, a wrug Haman hy fareusi rag Mordekay, neb a gewsis rag les an myghtern, ow sevel yn chi Haman.’ Ha'n myghtern a leveris, ‘Krog ev warnedhi.’

Ester 7:9 Iomraidhean Croise

2 Myghternedh 9:32

Ev a dhrehevis y fas dhe'n fenester ha leverel, ‘Piw eus a-barth dhymm? Piw?’ Ha dew po tri spadhesik a viras yn-nans orto.

Ester 1:10

An seythves dydh, ha kolonn an myghtern heudh gans gwin, erghi a wrug ev dhe Mehuman, Biztha, Harbona, Bigtha, hag Abagtha, Zethar, ha Karkas, an seyth spadhesik a venystra yn golok myghtern Ahasuerus,

Ester 5:14

Ena yn-medh Zeresh y wreg hag oll y gowetha dhodho, ‘Pareusens gwydhenn hanter-kans kevelin hy ughelder, ha ternos vyttin kows orth an myghtern may fo Mordekay kregys warnedhi: ena ke a-ji yn heudh gans an myghtern dhe'n kevewi.’ An gusul ma a blesyas Haman, ha pareusi an wydhenn a wrug.

Ester 6:14

Pan esens i hwath ow kewsel ganso, spadhesigyon an myghtern a dheuth yn unn fyski, dhe dhri Haman bys y'n kevewi a bareusis Ester.

Ester 6:2

Kevys veu skrifys ena y terivsa Mordekay a-dro dhe Bigthana ha Teresh, dew spadhesik an myghtern, a'n re a witha an treudhow, i dhe vrasa moldra myghtern Ahasuerus.

Ester 8:7

Ena yn-medh myghtern Ahasuerus dhe Ester an vyghternes ha dhe Mordekay an Yedhow, ‘Otta, my re ros dhe Ester chi Haman, hag i re'n krogas war an wydhenn, drefenn ev dhe settya dalghenn war an Yedhewon.

Ester 9:14

Ytho an myghtern a erghis gul yndella; arghadow a veu res yn Shushan, hag i a grogas an deg mab a Haman.

Ester 9:25

mes pan veu hi devedhys a-rag an myghtern, ev a erghis dre lytherow may tehwella y dhroktowl a dowlsa erbynn an Yedhewon war y benn y honan, ha bos ev ha'y vebyon kregys war an wydhenn.

Salmow 141:10

Koedhes an debeles yn aga roesow aga honan, ha my ow tremena yn saw.

Salmow 35:8

Bedhes ev sowdhenys gans terroes, ha bedhes ev kemmerys y'n roes a gudhas ev; koedhes ev ynni dhe derroes.

Salmow 73:19

Fatell ons i distruys yn unn lamm, skubys glan dhe-ves gans browaghow!

Daniel 6:24

Ha'n myghtern a erghis, ha'n wesyon na re guhudhsa Daniel a veu kyrghys ha tewlys yn fow an lewyon – i, aga mebyon, ha'ga gwragedh; ha kyns i dhe dhrehedhes dhe woeles an fow, an lewyon a's fethas ha terri oll aga eskern dhe demmyn.

Daniel 6:7

Oll lewydhyon an ruvaneth, an bennternedh ha'n wahalyethow, an gusulyadoryon ha'n wovernours, re omgusulyas may hwrello an myghtern dyllo ordenans ha gweythresa difenn krev: piwpynag a wrello pysadow dhe dhuw po dhe dhen a-ji deg dydhweyth warn ugens, marnas dhiso jy, A vyghtern, dhe vos tewlys yn fow a lewyon.

1 Samuel 17:51

Rakhenna Davydh a boenyas ha sevel war an Filistyas; ev a dhalghennas y gledha, ha'y denna mes a'y woen, ha'y ladha; ena ev a droghas dhe-ves y benn dredho. Pan welas an Filistysi bos aga hampyer marow, i a fias.