Ester 7:8 - An Bibel Kernewek 20234 (Kernewek Kemmyn)

⁸ Hware an myghtern a dhehwelis dhiworth lowarth an palys bys yn hel an kevewi; hag yth esa Haman ow koedha war an gweli-dydh le mayth esa Ester. Ytho yn-medh an myghtern, ‘A vynn ev hwath defola an vyghternes, ha hi genev y'm chi ow honan?’ Kettell asas an ger ganow an myghtern, i a gudhas fas Haman.

Ester 7:8 Iomraidhean Croise

Ester 1:5

Pan veu an dydhyow ma kollenwys, an myghtern a wrug kevewi rag oll an bobel a omgevi yn Shushan an bennsita, byghan ha bras, seyth dydh, yn klos lowarth palys an myghtern.

Ester 1:6

Yth esa kroglennow a goton wynn ha pann glasrudh, kelmys gans kerdyn a lien fin ha purpur orth kylghyow a arghans ha kolovenyow a varbel. Yth esa growedhvaow a owr hag arghans war leur a veyn gwyrdh, marbel, askell ha meyn glaswyrdh.

Ester 6:12

Ena dehweles a wrug Mordekay dhe yet an myghtern, ha Haman a fistenas tre yn unn gyni, ha kudhys y benn.

Ester 7:10

Ytho, i a grogas Haman war an wydhenn a bareussa ev rag Mordekay, hag yndella koselhes veu konnar an myghtern.

Job 9:24

Res yn leuv an debeles yw an norvys; ev a gudh fas y vreusysi. Mar nyns yw ev, piw yw ytho?

Ysay 22:17

Otta, an Arloedh a wra dha dheghesi dhe-ves yn harow, ty wour; ev a sett dalghenn ynnos devri.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Amos 3:12

Yndellma y lever an Arloedh: Dell dhelirv an bugel mes a anow an lew diw arr po tamm skovarn, yn kettella delivrys vydh mebyon Ysrael eus trigys yn Samaria, gans tamm a weli ha gans gweli-dydh a dhamask.

Mark 14:65

Ha re a dhallathas trewa warnodho; ha kudha y fas i a wrug, ha'y gronkya, ha leverel dhodho, ‘Gwra profoesa’, ha'n withysi a'n kemmeras, gans hwattys.