Ester 7:4 - An Bibel Kernewek 20234 (Kernewek Kemmyn)

⁴ Rag gwerthys on ni, my ha'm pobel, dhe vos distruys ha ledhys ha dhe verwel. Mes a pen ni gwerthys avel kethyon ha maghtethyon my a wrussa dhe'm taves tewel, a-ban nag yw agan ahwer kehaval dhe'n koll dhe'n myghtern.’

Ester 7:4 Iomraidhean Croise

Nehemia 5:5

Byttegyns lemmyn kepar hag yw kig agan breder, yndella yw agan kig ni; kepar ha'ga mebyon i, yndella yw agan mebyon ni; otta, yth eson ow konstryna agan mebyon ha'gan myrghes yn kethneth ha rann a'gan myrghes re beu kethhes seulabrys, mes dialloes on dh'aga dasprena drefenn tus erell dhe gavoes agan gwelyow ha'gan gwinlannow.’

Ester 3:13

Lytherow a veu dannvenys dre leuv poenyoryon bys yn oll rannvroyow an myghtern, dhe dhistrui, ladha ha diswul oll an Yedhewon, ha yowynk ha hen, fleghes ha benynes, yn unn jydh, y'n trydhegves dydh a'n dewdhegves mis, yw an mis Adar, ha may fe aga fythow pyllys.

Ester 3:9

Mara pleg dhe'n myghtern, bedhes skrifys y fydhons distruys: ha my a wra poesa deg mil dalent a arghans yn diwla an re charjys gans an ober, rag y dhri a-berth yn tresorvaow an myghtern.’

Ester 7:5

Ena myghtern Ahasuerus a gewsis ha leverel dhe Ester an vyghternes, ‘Piw yw ev, ha ple'ma ev neb a vynnsa lavasos yn y golonn gul yndella?’

Ester 7:6

Yn-medh Ester, ‘Envi hag eskar! An tebel Haman ma!’ Ytho, yth esa euth dhe Haman a-dherag an myghtern ha'n vyghternes.

Ester 8:11

Dre hemma an myghtern a ros kummyas dhe'n Yedhewon esa yn pub sita, dhe omguntell war-barth ha gwitha aga bewnans, dhe dhistrui, ladha, ha diswul oll an nerth a bobel hag a rannvro, a vynnas aga assaltya, ha'ga fleghes ha'ga benynes; hag a bylla aga fythow avel preydh,

Ester 8:6

rag fatell allav vy perthi gweles an drog a dheu dhe'm pobel? Ha fatell allav vy pesya ha my ow mires war derroes ow herens?’

Ester 9:25

mes pan veu hi devedhys a-rag an myghtern, ev a erghis dre lytherow may tehwella y dhroktowl a dowlsa erbynn an Yedhewon war y benn y honan, ha bos ev ha'y vebyon kregys war an wydhenn.

Daniel 6:2

hag a-ughta tri lewydh, ha Daniel o onan anedha. Dhedha yth o res dhe'n wahalyethow ri derivas, rag na'n jeffa an myghtern koll.

Yoel 3:6

Mebyon Yuda ha mebyon Yerusalem hwi re werthas dhe'n Grekys, orth aga fellhe dhiworth aga oryon aga honan.

Amos 2:6

Yndellma y lever an Arloedh: Rag tri hammweythres a Ysrael, ha rag peswar, ny wrav vy hepkorr an kessydhyans; drefenn i dhe wertha an den gwiryon a arghans, ha'n edhommek a dhiw eskis.

Luk 12:45

Mes mar lever an kethwas na yn y golonn, “Delatya a wra ow mester y dhevedhyans”, ha dalleth gweskel an wesyon ha'n maghtethyon, ow tybri hag eva hag omvedhwi,

Dewteronomi 28:68

An Arloedh a'th tre arta dhe Ejyp yn gorholyon y'n fordh a leveris dhis na wres hy gweles nevra namoy; hag ena ty a as dha honan dhe vos gwerthys dhe'th eskerens avel kethyon ha kethesow mes denvyth ny wra agas prena.

Yoshua 9:23

Ytho lemmyn milliges owgh, ha ny vydhydh livrys a vos kethyon, treghysi keunys ha tennoryon dowr rag chi ow Duw.’

1 Samuel 22:23

Trig genev, ha na borth own; rag ev neb a hwila ow bewnans vy a hwila dha vewnans jy; ty a vydh saw genev.’