Ester 6:4 - An Bibel Kernewek 20234 (Kernewek Kemmyn)

⁴ Yn-medh an myghtern, ‘Piw usi y'n klos?’ Lemmyn y feu Haman devedhys y'n garth war-ves a ji an myghtern, rag kewsel dhe'n myghtern a-dro dhe gregi Mordekay war an wydhenn a bareussa ragdho.

Ester 6:4 Iomraidhean Croise

Ester 4:11

‘Oll gwesyon an myghtern ha pobel rannvroyow an myghtern a woer bos unn lagha rag peub, po gour po benyn, seul a dheffo bys y'n myghtern y'n klos a-bervedh, heb bos gelwys: gorrys vydh dhe'n mernans, marnas ev mayth ystynno an myghtern an welenn owrek dhodho may fewo; mes ny veuv vy gelwys dhe dhos a-ji bys y'n myghtern nans yw deg dydh warn ugens.’

Ester 5:1

Lemmyn y'n tressa dydh, Ester a wiskas hy dillas ryel; ha sevel a wrug y'n klos pervedhel a balys an myghtern a-dal hel an myghtern. Yth esa an myghtern esedhys war y se ryel y'n hel ryel a-dal porth an palys.

Ester 5:14

Ena yn-medh Zeresh y wreg hag oll y gowetha dhodho, ‘Pareusens gwydhenn hanter-kans kevelin hy ughelder, ha ternos vyttin kows orth an myghtern may fo Mordekay kregys warnedhi: ena ke a-ji yn heudh gans an myghtern dhe'n kevewi.’ An gusul ma a blesyas Haman, ha pareusi an wydhenn a wrug.

Ester 6:3

Yn-medh an myghtern, ‘Py enor ha reowta re beu gwrys dhe Mordekay rakhemma?’ Ena yn-medh gwesyon an myghtern a venystra dhodho, ‘Ny veu travyth gwrys ragdho.’

Ester 6:5

Hag yn-medh dhodho gwesyon an myghtern, ‘Awotta, yma Haman ow sevel y'n klos.’ Hag yn-medh an myghtern, ‘Des ev a-ji.’

Ester 7:9

Ena yn-medh Harbona, onan a'n spadhesigyon esa a-dherag an myghtern, ‘Otta ynwedh, yma an wydhenn, hanter-kans kevelin hy ughelder, a wrug Haman hy fareusi rag Mordekay, neb a gewsis rag les an myghtern, ow sevel yn chi Haman.’ Ha'n myghtern a leveris, ‘Krog ev warnedhi.’

Job 5:13

Ev a vagel an dus fur yn aga felder, ha towlennow an dus sleygh yw dres dhe worfenn yn skon.

Salmow 2:4

Neb a esedh y'n nevow a hwerth; an Arloedh a wra ges anedha.

Salmow 33:19

may teliffro aga enev dhiworth ankow, ha'ga gwitha yn few yn termyn nown.

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.