Ester 5:9 - An Bibel Kernewek 20234 (Kernewek Kemmyn)

⁹ Haman eth yn-mes an jydh na, lowen ha heudhik y golonn. Mes Haman pan welas Mordekay yn yet an myghtern ha na sevis ev na krena a-ragdho, ev a veu leun a gonnar erbynn Mordekay.

Ester 5:9 Iomraidhean Croise

1 Myghternedh 21:4

Ahab a dhehwelis dhe dre yn poes ha digolonnek drefenn an pyth a leveris dhodho Naboth an Yezreelyas; rag ev re leveris, ‘Ny rov dhis eretons ow thasow.’ Ev a wrowedhas war y weli, treylya dhe-ves y fas, ha ny vynna dybri.

1 Myghternedh 21:6

Ev a leveris dhedhi, ‘Drefenn my dhe gewsel orth Naboth an Yezreelyas ha leverel dhodho, “Ro dhymm dha winlann rag arghans; poken, mars yw gwell genes, my a re dhis ken winlann rygdhi”; mes ev a worthybis, “Ny rov ow gwinlann dhis.” ’

Ester 2:19

Pan veu kuntellys an gwyrghesow an nessa prys, yth esa Mordekay esedhys yn yet an myghtern.

Ester 3:2

Hag oll gwesyon an myghtern esa yn yet an myghtern, e war benn-glin hag omblegya dhe Haman: rag yndella yth arghsa an myghtern a-dro dhodho. Mes ny wrug Mordekay mos war benn-glin nag omblegya dhodho.

Ester 3:5

Ha pan welas Haman nag e Mordekay war benn-glin nag omblegya dhodho, Haman a veu lenwys a sorr.

Ester 5:13

Mes oll hemma ny dal travyth dhymm, peskweyth may hwelav Mordekay an Yedhow owth esedha yn yet an myghtern.’

Job 20:5

mayth yw heudh an re dhidhuw berr, hag unn pols byghan yw lowena an debelwas?

Job 31:31

mar ny leveris tus ow thylda, “Piw eus na veu lenwys a'y gig?”

Salmow 15:4

neb a dhispres an podrynn yn y wolok ev, ha neb a wordh an re a berth own a'n Arloedh; neb a de ti kyn fo dh'y dhregynn y honan ha ny dreyl dhiworto;

Salmow 27:3

Kyn hwrello lu kampya er ow fynn, ny berth ow holonn own; kyn sortyo bresel er ow fynn, hwath my a vydh fydhyansek.

Daniel 3:13

Ena Nebukadnessar o serrys fest, hag ev a erghis may fe dres Shadrak, Meshak hag Abednego. Ena i a's dros a-rag an myghtern.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Matthew 2:16

Ena Herod ow kweles ges dhe vos gwrys anodho gans an dus fur o meur serrys hag a dhannvonas ha ladha oll an fleghes esa yn Bethlehem hag yn oll an pow a-dro, a dhew vloedh ha le ages henna, herwydh an termyn a dhys'sa gans an dus fur.

Luk 6:25

Go-hwi, yw lenwys lemmyn, rag hwi a berth nown. Go-hwi a hwerth lemmyn, rag hwi a gyn hag oela.

Yowann 16:20

Yn hwir, yn hwir y lavarav dhywgh, hwi dhe oela ha dhe gyni, mes an bys a lowenha. Mes hwi a vydh trist, mes agas tristyns a dreyl dhe lowena.

Oberow 7:54

Lemmyn pan glewsons an taklow ma, konneryek vons yn aga holonnow, hag i a dheskornas orto.

Jamys 4:9

Gwrewgh galari, ha kyni hag oela. Bedhes agas hwarth treylys dhe gynvann, ha'gas lowena dhe dristyns.