Ester 5:14 - An Bibel Kernewek 20234 (Kernewek Kemmyn)

¹⁴ Ena yn-medh Zeresh y wreg hag oll y gowetha dhodho, ‘Pareusens gwydhenn hanter-kans kevelin hy ughelder, ha ternos vyttin kows orth an myghtern may fo Mordekay kregys warnedhi: ena ke a-ji yn heudh gans an myghtern dhe'n kevewi.’ An gusul ma a blesyas Haman, ha pareusi an wydhenn a wrug.

Ester 5:14 Iomraidhean Croise

2 Samuel 16:21

Yn-medh Ahithofel dhe Absalom, ‘Ke a-ji dhe iswragedh dha das, re asas dhe witha an chi; hag oll Ysrael a glew ty dhe wul dha honan kasadow gans dha das, ena diwla peub eus genes a vydh krevhes.’

1 Myghternedh 21:25

(Yn hwir nyns esa nagonan haval dhe Ahab, a werthas y honan dhe wul an pyth o drog yn golok an Arloedh, ynniys gans y wreg Yezebel.

1 Myghternedh 21:7

Y wreg Yezebel a leveris dhodho, ‘A ny wovernydh Ysrael? Sav, deber, ha bydh lowenek; my a re dhis gwinlann Naboth an Yezreelyas.’

Ester 6:4

Yn-medh an myghtern, ‘Piw usi y'n klos?’ Lemmyn y feu Haman devedhys y'n garth war-ves a ji an myghtern, rag kewsel dhe'n myghtern a-dro dhe gregi Mordekay war an wydhenn a bareussa ragdho.

Salmow 37:14

An debeles re dennas an kledha ha plegya aga gwarak, dhe dhisevel an den truan ha'n boghosek, dhe ladha an re ewn aga fordh.

Salmow 37:32

An tebelwas a aspi an den gwiryon, hag ev a assay y ladha.

Salmow 9:15

An kenedhlow re sedhis y'n pytt a wrussons; y'n roes a gudhsons, aga throes aga honan re beu kechys.

Lavarow Koth 1:18

mes an re ma a gontrewayt rag aga goes aga honan, i a skolk dhe vaglenna aga bewnans aga honan.

Lavarow Koth 4:16

Rag ny yllons koska marnas i a wra drogober; aga hosk yw kemmerys dhe-ves marnas i a wra dhe nebonan trebuchya.

Romanyon 1:32

Kyn hwodhons ordenans Duw may tegoedh an mernans dhe'n re a wra taklow a'n par ma, ny's gwrons yn unnsel mes plegadow gansa yw an re a's gwra.

Romanyon 3:15

Skav yw aga threys dhe skoellya goes,

Diskwedhyans 11:10

Ha'n re a drig war an nor a wra lowenhe warnedha, ha heudhhe, ha dannvon rohow an eyl dh'y gila, rag an dhew brofoes ma a dormentyas an re usi trigys war an nor.