Ester 4:5 - An Bibel Kernewek 20234 (Kernewek Kemmyn)

⁵ Ena, Ester a elwis war Hatak, onan a spadhesigyon an myghtern, neb a'n apoyntyas dh'y servya, ha hi a erghis dhodho mayth ella dhe Mordekay rag dyski an pyth o hemma ha'n praga anodho.

Ester 4:5 Iomraidhean Croise

Ester 1:10

An seythves dydh, ha kolonn an myghtern heudh gans gwin, erghi a wrug ev dhe Mehuman, Biztha, Harbona, Bigtha, hag Abagtha, Zethar, ha Karkas, an seyth spadhesik a venystra yn golok myghtern Ahasuerus,

Ester 1:12

Mes skonya a wrug an vyghternes Vashti a dhos orth gorhemmynn an myghtern der an spadhesigyon; hag yndella, pur serrys o an myghtern ha'y gonnar a loskas ynno.

Ester 4:10

Ena Ester a gewsis orth Hatak, ha ri dhodho messaj rag Mordekay,

Ester 4:4

Pan dheuth maghtethyon ha spadhesigyon Ester ha derivas dhedhi, grevys yn town veu an vyghternes; dannvon dillas rag kwetha Mordekay a wrug hi yn le y yskar, mes ny vynna ev aga degemmeres.

Ester 4:6

Ytho, yth eth Hatak yn-mes dhe Mordekay bys yn plen an sita a-rag yet an myghtern.

Ester 4:9

Ytho Hatak eth ha derivas orth Ester geryow Mordekay.

Romanyon 12:15

Lowenhewgh gans an re a lowenha, oelewgh gans an re a oel;

1 Korinthianys 12:26

Mar kodhev unn esel, an eseli oll a wodhev ganso; mars yw enorys unn esel, an eseli oll a lowenha war-barth.

Filippianys 2:4

heb mires orth agas les agas honan mes orth les tus erell kekeffrys.

Ebrowyon 4:15

Rag ny'gan beus arghoferyas na yll keskodhevel gans agan gwannder, mes onan neb re beu temptys avelon yn pub tremmynn, heb pegha hogen.