Ester 4:4 - An Bibel Kernewek 20234 (Kernewek Kemmyn)

⁴ Pan dheuth maghtethyon ha spadhesigyon Ester ha derivas dhedhi, grevys yn town veu an vyghternes; dannvon dillas rag kwetha Mordekay a wrug hi yn le y yskar, mes ny vynna ev aga degemmeres.

Ester 4:4 Iomraidhean Croise

Jenesis 37:35

Hag oll y vebyon hag oll y vyrghes a sevis rag y gonfortya mes ev a skonyas a vos konfortys, hag ev a leveris, ‘My a vynn mos yn-nans dhe'n bedh dhe'm mab, ow kyni.’ Ha'y das a oelas ragdho.

2 Myghternedh 9:32

Ev a dhrehevis y fas dhe'n fenester ha leverel, ‘Piw eus a-barth dhymm? Piw?’ Ha dew po tri spadhesik a viras yn-nans orto.

Ester 1:12

Mes skonya a wrug an vyghternes Vashti a dhos orth gorhemmynn an myghtern der an spadhesigyon; hag yndella, pur serrys o an myghtern ha'y gonnar a loskas ynno.

Ester 4:3

Hag yn pub rannvro, py le pynag may teffa gorhemmynn hag arghadow an myghtern, yth esa drem meur yn mysk an Yedhewon, gans penys hag oelva ha kynvann; yth esa lies huni a'ga growedh yn yskar ha lusu.

Ester 4:5

Ena, Ester a elwis war Hatak, onan a spadhesigyon an myghtern, neb a'n apoyntyas dh'y servya, ha hi a erghis dhodho mayth ella dhe Mordekay rag dyski an pyth o hemma ha'n praga anodho.

Salmow 77:2

Yn dydh ow anken my a hwilas an Arloedh; ow leuv o ystynnys y'n nos, ha nyns o skwith; ow enev a skonyas a gavoes hebaska.

Ysay 56:3

Na leveres mab an estren neb re junys y honan dhe'n Arloedh, ‘An Arloedh a'm diberth yn sur dhiworth y bobel’; ha na leveres spadhesik, ‘Otta, gwydhenn sygh ov vy.’

Yeremia 31:15

Yndellma y lever an Arloedh: Lev yw klewys yn Rama, kynvann hag oelva hwerow. Yma Raghel owth oela rag hy fleghes; hi a nagh bos konfortys rag hy fleghes drefenn nag esons na fella.

Oberow 8:27

Ytho ev a sevis ha mos. Hag otta, gour a Ethiopia, spadhesik, lyswas Kandake, myghternes tus Ethiopia, dhe neb esa charj dres hy thresor oll, re dhothya dhe Yerusalem rag gordhya,

1 Samuel 8:15

Ev a gemmer an degves a'gas greun, ha'gas gwinlannow ha'y ri dh'y soedhogyon ha'y wesyon.