Ester 4:11 - An Bibel Kernewek 20234 (Kernewek Kemmyn)

¹¹ ‘Oll gwesyon an myghtern ha pobel rannvroyow an myghtern a woer bos unn lagha rag peub, po gour po benyn, seul a dheffo bys y'n myghtern y'n klos a-bervedh, heb bos gelwys: gorrys vydh dhe'n mernans, marnas ev mayth ystynno an myghtern an welenn owrek dhodho may fewo; mes ny veuv vy gelwys dhe dhos a-ji bys y'n myghtern nans yw deg dydh warn ugens.’

Ester 4:11 Iomraidhean Croise

Ester 1:19

Mara pleg dhe'n myghtern, des gorhemmynn ryel a-dhiworto, ha bedhes skrifys yn mysk laghys Persia ha Media na yll bos daskelwys, na dheffo Vashti namoy a-dherag myghtern Ahasuerus; ha res an myghtern hy studh ryel dhe nebonan a vo gwell agessi hi.

Ester 2:14

Y'n gorthugher yth e hi, ha ternos vyttin dehweles a wre dhe nessa chi an benynes, yn gwith Shaashgaz, spadhesik an myghtern, gwithyas an iswragedh. Ny dho hi arta bys y'n myghtern marnas an myghtern a ve hwansek dhedhi ha hi dhe vos gelwys dre hanow.

Ester 4:10

Ena Ester a gewsis orth Hatak, ha ri dhodho messaj rag Mordekay,

Ester 4:12

Hag i a dherivas orth Mordekay geryow Ester.

Ester 6:4

Yn-medh an myghtern, ‘Piw usi y'n klos?’ Lemmyn y feu Haman devedhys y'n garth war-ves a ji an myghtern, rag kewsel dhe'n myghtern a-dro dhe gregi Mordekay war an wydhenn a bareussa ragdho.

Ester 8:4

Ena, an myghtern a ystynnas dhe Ester an welenn owrek. Ytho, Ester a omdhrehevis, ha sevel a-dherag an myghtern.

Daniel 2:9

Mar ny dherivowgh dhymm an hunros, nyns eus saw unn vreus ragowgh. Hwi re ombareusis leverel geryow gow ha podrek a-ragov erbynn an prys may fo chanj. Derivewgh dhymm ytho an hunros, may hwodhviv y hyllowgh diskwedhes dhymm hy styr.’

1 Peder 3:7

Y'n keth vaner an wer, gwrewgh kesvewa gansa yn konvedhes, ow tiskwedhes enor dhe'n wreg avel dhe'n gwanna lester, kepar ha dhe heryon genowgh ynwedh a'n ras a vewnans, ma na vo lettys agas pysadow.