Ester 4:1 - An Bibel Kernewek 20234 (Kernewek Kemmyn)

¹ Lemmyn pan wodhva Mordekay pup-tra a via gwrys, ev a skwardyas y dhillas ha gwiska yskar ha lusu, ha mos yn-mes dhe gres an sita, ow kria gans garm ughel ha hwerow.

Ester 4:1 Iomraidhean Croise

Jenesis 27:34

Pan glewas Esaw geryow y das ev a armas kri pur vras ha hwerow ha leverel dh'y das, ‘Bennik vy ynwedh, a das.’

Jenesis 37:34

Ena Yakob a skwardyas y dhillas ha gorra yskar a-dro dh'y dhiwglun, ha kyni rag y vab lies dydh.

2 Samuel 1:11

Ena Davydh a settyas dalghenn yn y dhillas, ha'ga skwardya; hag oll an wer esa ganso a wrug yn kettella.

2 Samuel 13:19

Tamar a worras lusu war hy fenn, ha skwardya an bows liesliw esa warnedhi, ha gorra hy leuv war hy fenn, ha mones dhe-ves ow kria.

Ester 4:2

Mos a wrug bys y'n barth a-rag yet an myghtern, rag na ylli denvyth entra dhe yet an myghtern gwiskys yn yskar.

Ester 4:3

Hag yn pub rannvro, py le pynag may teffa gorhemmynn hag arghadow an myghtern, yth esa drem meur yn mysk an Yedhewon, gans penys hag oelva ha kynvann; yth esa lies huni a'ga growedh yn yskar ha lusu.

Job 1:20

Ena Job a sevis ha skwardya y bows, ha treghi gols y benn ha koedha war an dor ha gordhya.

Job 2:8

Hag ev a gemmeras darn a briweyth may halla omdhiruska ganso, hag ev a esedhas yn mysk an lusu.

Job 42:6

rakhenna my a'm kas ow honan, ha koedha yn edrek yn doust ha lusu.’

Ysay 15:4

Heshbon hag Eleale a gri, aga lev yw klewys bys Yahas. Rakhenna soudoryon Moab a arm, ha'ga enev a gren.

Ysay 22:4

Rakhenna my a leveris, Mirewgh dhe-ves dhiworthiv, my a oel yn hwerow. Na assayewgh ow honfortya drefenn terroes myrgh ow fobel.

Ysay 37:1

Pan glewas myghtern Hezekia hemma, ev a skwardyas y dhillas, omgwetha yn yskar ha dos yn chi an Arloedh.

Ysay 37:2

Ev a dhannvonas Elyakim, governour an palys, ha Shebna an pennskrifennyas ha henavogyon an oferysi, kwethys yn yskar, dhe Ysay mab Amos an profoes.

Ysay 58:5

Yw yndella an penys a dhewisav, dydh rag den dhe omuvelhe? Yw rag plegya y benn yn-nans avel korsenn, ha lesa avel gweli yskar ha lusu? Yw hemma an pyth a gelwydh penys, ha dydh kemmeradow dhe'n Arloedh?

Ezekiel 21:11

Ev a'n ros dhe vos rutys splann, rag bos dalghennys y'n leuv; lymmys yw, an kledha yw rutys splann dhe vos gorrys yn leuv an ladher.

Ezekiel 21:6

Ytho, A vab den, kyn gans diwglun ow krena, ha hanas yn hwerow a-rag aga dewlagas.

Daniel 9:3

Ena my a dreylyas ow thremmynn troha'n Arloedh Duw, orth y hwilas dre bysadow ha der aspysadow, gans penys, ha gans yskar ha lusu.

Mika 1:8

Rag hemma y hwrav vy galari ha kyni; mos a wrav dieskis ha lomm, my a wra kynvann avel an owrgeun, ha drem avel an strusyow.

Sefania 1:14

Ogas yw dydh meur an Arloedh, ogas, hag ow tos pur uskis, lev dydh an Arloedh yw hwerow: ena an kasor a skrij.

Matthew 11:21

‘Go-jy Korasin! Go-jy Bethsada! rag mar pe gwrys yn Tyr ha Sidon an oberow galloesek a veu gwrys yn agas mysk, seuladhydh i a goedhsa yn edrek, yn yskar ha lusu.

Oberow 14:14

Mes an abesteli Barnabas ha Powl a glewas, hag ow skwardya aga dillas i a fyskas yn-mes yn mysk an routh, ow karma,

Yoshua 7:6

Yoshua a skwardyas y vantell ha koedha dhe'n dor war y fas a-dherag argh Arloedh bys y'n gorthugher, ev ha henavogyon Ysrael; i a dewlis doust war aga fenn.

Diskwedhyans 11:3

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’