Ester 3:7 - An Bibel Kernewek 20234 (Kernewek Kemmyn)

⁷ Y'n kynsa mis, yw an mis Nisan, y'n dewdhegves blydhen a vyghtern Ahasuerus, tewlel Pur a wrussons, henn yw an prenn, a-dherag Haman dhe dhewis an jydh ha'n mis, ha'n prenn a goedhas war drydhegves dydh an dewdhegves mis, yw an mis Adar.

Ester 3:7 Iomraidhean Croise

Ezra 4:6

Yn reyn Ahasuerus, yn dalleth y reyn, i a skrifas kuhudhans erbynn annedhysi Yuda ha Yerusalem.

Ezra 6:15

Ha'n chi ma a veu kowlwrys yn tressa dydh an mis Adar, y'n hweghves blydhen a reyn Darius an myghtern.

Nehemia 2:1

Y'n mis Nisan, y'n ugensves blydhen a Artakserkses an myghtern, pan o termyn dhe servya gwin dhodho, my a gemmeras yn-bann an gwin ha'y ri dhe'n myghtern. Ny vien vy trist kyns yn y lok.

Ester 1:3

yn tressa blydhen y reyn, ev a wrug kevewi rag y bennsevigyon ha'y wesyon oll; hag yth esa a-ragdho nerth Persia ha Media, ugheloryon ha gwahalyethow an rannvroyow.

Ester 2:16

Ytho Ester a veu hembrenkys bys y'n myghtern Ahasuerus yn y ji ryel y'n degves mis, yw an mis Tebeth, yn seythves blydhen y reyn.

Ester 9:1

Lemmyn y'n dewdhegves mis, yw an mis Adar, y'n trydhegves dydh anodho, pan veu gorhemmynn an myghtern ha'y arghadow dhe vos kollenwys, y'n jydh may hwaytsa eskerens an Yedhewon aga gorra yn-dann rewl, y hwarva an konter, may hwrug an Yedhewon gorra yn-dann rewl an re a's kasa i;

Ester 9:21

rag charjya dhedha may synsens peswardhegves dydh an mis Adar, ha'n pymthegves dydh anodho pub blydhen,

Ester 9:5

Ha gweskel oll aga eskerens a wrug an Yedhewon dre strokosow an kledha, ow ladha hag ow tistrui, hag i a wrug pynag ve da gansa orth an re a's kasa.

Lavarow Koth 16:33

An prenn yw tewlys y'n varrlenn, mes yma an ervirans gans an Arloedh y honan.

Matthew 27:35

Ha pan y'n krowssons i a rannas y dhillas ow tewlel prenn.