Ester 3:4 - An Bibel Kernewek 20234 (Kernewek Kemmyn)

⁴ Lemmyn pub dydh pan gewsens dhodho, ha ny woslowi ev orta, i a'n derivas dhe Haman, rag gweles mar pe geryow Mordekay godhevys, rag ev a lavarsa dhedha y vos Yedhow.

Ester 3:4 Iomraidhean Croise

Jenesis 39:10

Yth esa hi ow kewsel a dhydh dhe dhydh dhe Yosep, mes ny goelas orti, dhe wrowedha gensi na dhe vos gensi.

Ezra 1:3

Piwpynag a vo yn agas mysk yn-mes a oll y bobel a yll mos yn-bann dhe Yerusalem usi yn Yuda ha drehevel chi an Arloedh, Duw Ysrael – ev yw an Duw usi yn Yerusalem – ro bo y Dhuw ganso.

Ester 3:3

Ena gwesyon an myghtern, esa yn yet an myghtern, a leveris dhe Mordekay, ‘Prag y kammdremenydh erbynn gorhemmynn an myghtern?’

Ester 3:5

Ha pan welas Haman nag e Mordekay war benn-glin nag omblegya dhodho, Haman a veu lenwys a sorr.

Daniel 3:12

Yma re a'n Yedhewon a wrussys apoyntya war venystrans rannvro Babylon: Shadrak, Meshak hag Abednego; an re ma, A vyghtern, ny wrussons vri ahanas; ny wrons servya dha dhuwow, na gul gologhas dhe'n delow owrek a wrussys y dhrehevel.’

Daniel 6:13

Ena i a worthybis ow leverel dhe'n myghtern, ‘Daniel, neb yw onan an dhivresow a Yuda, ny wra vri orthis, A vyghtern, nag orth an difenn sinys genes, mes ev a wra y bysadow teyrgweyth pub dydh.’

Yona 1:9

Yn-medh ev dhedha, ‘Ebrow ov vy, ha my a berth own a'n Arloedh, Duw an nev, neb a formyas an mor ha'n tir sygh.’