Ester 3:15 - An Bibel Kernewek 20234 (Kernewek Kemmyn)

¹⁵ An boenyoryon eth dhe-ves toeth men herwydh gorhemmynn an myghtern, ha dyllys veu an arghadow yn Shushan an bennsita. An myghtern ha Haman a esedhas rag eva; mes penndegys o an sita Shushan.

Ester 3:15 Iomraidhean Croise

Jenesis 37:25

Hag i a esedhas dhe dhybri bara, hag i a dhrehevis aga lagasow ha mires, hag awotta, karavan a Yshmaelysi ow tos dhiworth Gilead. Yth esa aga howrvergh ow toen spisys, balsam ha myrr, ow vyajya dh'aga doen yn-nans dhe Ejyp.

1 Myghternedh 14:27

Ytho myghtern Rehoboam a wrug skoesow a vrons yn aga le, ha'ga ri yn leuv soedhogyon an gorfwithysi, a witha daras chi an myghtern.

Ester 1:10

An seythves dydh, ha kolonn an myghtern heudh gans gwin, erghi a wrug ev dhe Mehuman, Biztha, Harbona, Bigtha, hag Abagtha, Zethar, ha Karkas, an seyth spadhesik a venystra yn golok myghtern Ahasuerus,

Ester 4:16

‘Ke, kuntell oll an Yedhewon usi yn Shushan, ha gwrewgh penys ragov, ha na wrewgh hwi dybri nag eva tri dydh, nosweyth na dydhweyth: my ynwedh, ha'm maghtethyon, penys a wren ni yn kepar maner. Ena mos a-ji bys y'n myghtern a wrav kyn fo erbynn an lagha: ha mar pydhav distruys, distruys vydhav.’

Ester 8:15

Ena Mordekay eth yn-mes dhiworth golok an myghtern, yn gwisk ryel, glas ha gwynn y liw, ha dhodho kurun vras a owr ha goen a lien fin ha purpur: ha'n sita Shushan a arma hag a lowenhi.

Salmow 37:7

Bydh kosel a-dherag an Arloedh, ha gwra y wortos gans perthyans; na sorr drefenn an den a sewen yn y fordh, drefenn an gour a ober droktowlow.

Lavarow Koth 1:16

rag aga threys a boen dhe dhroktra, hag i a fysk rag skoellya goes.

Lavarow Koth 29:2

Pan ynkress an re wiryon, an bobel a lowenha, mes pan y'n jeves tebelwas an rewl, an bobel a gyn.

Lavarow Koth 31:4

Ny dhelledh dhe vyghternedh, a Lemuel, ny dhelledh dhe vyghternedh eva gwin, po rewloryon dhe yeuni war-lergh korev;

Lavarow Koth 4:16

Rag ny yllons koska marnas i a wra drogober; aga hosk yw kemmerys dhe-ves marnas i a wra dhe nebonan trebuchya.

Hosea 7:5

Yn dy'goel agan myghtern an bennternedh a veu klav gans toemmder an gwin; ev a ystynnas y dhiwla gans an re a wra ges.

Amos 6:6

I a yv gwin yn bollow owth omuntya gans oylys a'n finna, mes nyns yns i duwenhes drefenn terroes Yosep!

Yowann 16:20

Yn hwir, yn hwir y lavarav dhywgh, hwi dhe oela ha dhe gyni, mes an bys a lowenha. Mes hwi a vydh trist, mes agas tristyns a dreyl dhe lowena.

Diskwedhyans 11:10

Ha'n re a drig war an nor a wra lowenhe warnedha, ha heudhhe, ha dannvon rohow an eyl dh'y gila, rag an dhew brofoes ma a dormentyas an re usi trigys war an nor.