Ester 3:12 - An Bibel Kernewek 20234 (Kernewek Kemmyn)

¹² Ena skrifwesyon an myghtern a veu gelwys y'n kynsa mis, y'n trydhegves dydh, ha skrifys veu poran dell arghsa Haman, dhe wahalyethow an myghtern ha dhe wovernours pub rannvro, ha dhe bennsevigyon pub pobel; dhe bub rannvro herwydh y skrif, ha dhe bub pobel herwydh hy thaves; y feu skrifys yn hanow an myghtern Ahasuerus, ha selys veu gans bysow an myghtern.

Ester 3:12 Iomraidhean Croise

1 Myghternedh 21:8

Ytho hi a skrifas lytherow yn hanow Ahab ha'ga selya gans y sel; hi a dhannvonas an lytherow dhe'n henavogyon ha dhe'n ugheloryon esa trigys gans Naboth yn y sita.

Ezra 8:36

Hag i a dhelivras arghadowyow an myghtern dhe wahalyethow an myghtern, ha dhe wovernours an rannvro Dres-an-Avon: hag i a skoedhyas an bobel ha chi Duw.

Ester 1:22

Ev a dhannvonas lytherow bys yn oll rannvroyow an myghtern, bys yn pub rannvro herwydh skrif an tyller na, ha dhe bub pobel oll herwydh aga yeth, may fe pub gour mester yn y ji y honan.

Ester 3:11

Yn-medh an myghtern dhe Haman, ‘An arghans yw res dhis, ha'n bobel ynwedh, rag gul gensi an pyth a vo da y'th wolok.’

Ester 8:2

Ena an myghtern a dennas yn-mes y vysow-sel a gemmersa dhiworth Haman ha'y ri dhe Mordekay. Hag Ester a ros dhe Mordekay an charj war ji Haman.

Ester 9:27

an Yedhewon a jarjyas hag omgemmeres a-barth dhedha i aga honan, hag a-barth aga has, hag oll an re a ve junys orta, i dhe woelya heb fyllel an dhew dhydh ma herwydh an skrif anedha, ha herwydh an eur ordenys ragdha, pub blydhen,

Daniel 3:10

Ty, A vyghtern, a wrug gorhemmynn, dredho may hwra pub huni neb a glewvo son an korn, an pib, an gyttrens, an krowd, an sowtri, an pibow-sagh ha pub sort a venestrouthi, koedha dhe'n leur ha gul gologhas dhe'n delow owrek:

Daniel 6:12

I a dheuth nes, ha kewsel a-rag an myghtern a-dro dhe'n difenn ryel, ‘A ny wrussys sina difenn, piwpynag a wrello pysadow dhe dhuw po dhe dhen a-ji dhe dheg dydhweyth warn ugens, marnas dhiso jy, A vyghtern, dhe vos tewlys yn fow a lewyon?’ An myghtern a worthybis, ‘An mater a sev, herwydh lagha an Medys ha'n Persianys, na yll bos daskelwys.’

Daniel 6:15

Ena an wer na a dheuth yn routh dhe'n myghtern, ha leverel dhodho, ‘Godhvydh, A vyghtern, bos lagha an Medys ha'n Persianys, na yll difenn na ordenans dyllys gans an myghtern bos daskelwys.’

Daniel 6:25

Ena myghtern Darius a skrifas dhe oll an poblow, kenedhlow ha tavosow trigys y'n norvys oll: ‘Pals re bo agas kres!

Daniel 6:8

Lemmyn, A vyghtern, dyllo an difenn ha sin an skrifenn, rag na allo bos chanjys, herwydh lagha an Medys ha'n Persianys, na yll bos daskelwys.’