Ester 3:1 - An Bibel Kernewek 20234 (Kernewek Kemmyn)

¹ Wosa an taklow ma, myghtern Ahasuerus a ughelhas Haman mab Hammedatha an Agagyas, ha'y avonsya, ha settya y se dres an bennsevigyon oll esa ganso.

Ester 3:1 Iomraidhean Croise

Jenesis 41:40

Ty a vydh apoyntys war ow chi, hag oll ow fobel a vydh gostydh dhe'th worhemmynn. Y'n tron yn unnsel, my a vydh brassa agesos jy.’

Jenesis 41:55

Hag yth esa oll pow Ejyp ow famya, ha'n bobel a grias war Faro rag bara; hag yn-medh Faro dhe oll an dus a Ejyp, ‘Kewgh dhe Yosep. Gwrewgh an pyth a lever ev dhywgh.’

Ezra 7:14

Rag ty yw dannvenys gans an myghtern, ha'y seyth kusulyador, may hwovynni a-dro dhe Yuda ha Yerusalem, herwydh lagha dha Dhuw usi y'th leuv;

Ester 1:14

hag yth esa yn y ogas Karshena, Shethar, Admatha, Tarshish, Meres, Marsena, ha Memukan, an seyth pennsevik a Persia ha Media, a weli fas an myghtern, hag o esedhys yn kynsa renk an wlaskor):

Ester 3:10

Ytho an myghtern a gemmeras y vysow-sel dhiworth y leuv, ha'y ri dhe Haman mab Hammedatha an Agagyas, eskar an Yedhewon.

Ester 5:11

Ha Haman a dherivas orta glori y rychys, ha palster y vebyon, ha'n taklow oll may hwrussa an myghtern dh'y voghhe ha'y avonsya a-ugh an bennsevigyon ha gwesyon an myghtern.

Ester 7:6

Yn-medh Ester, ‘Envi hag eskar! An tebel Haman ma!’ Ytho, yth esa euth dhe Haman a-dherag an myghtern ha'n vyghternes.

Ester 8:3

Ena Ester a gewsis arta a-dherag an myghtern, ha hi a goedhas a-rag y dreys hag oela, orth y bysi a dreylya dhe-ves droktowl Haman an Agagyas, a dowlsa erbynn an Yedhewon.

Salmow 12:8

An debeles a gerdh a bub tu, ha bileni yw ughelhes yn mysk mebyon den.

Lavarow Koth 29:2

Pan ynkress an re wiryon, an bobel a lowenha, mes pan y'n jeves tebelwas an rewl, an bobel a gyn.

Ekklesiastes 10:6

An foll re beu settys yn lies tyller ughel, mes tus rych a esedh yn tyller isel.

Daniel 6:2

hag a-ughta tri lewydh, ha Daniel o onan anedha. Dhedha yth o res dhe'n wahalyethow ri derivas, rag na'n jeffa an myghtern koll.

Niverow 24:7

Dowr a wra frosa a-dhiworth y gelern, ha'y has a vydh yn lies dowr, y vyghtern a vydh ughella ages Agag, ha'y ruvaneth a vydh ughelhes.

1 Samuel 15:33

Mes Samuel a leveris, ‘Kepar dell wrug dha gledha benynes dhe vos anvap, yndella y fydh dha vamm anvap yn mysk benynes.’ Ha Samuel a hakkyas Agag dhe demmyn a-dherag an Arloedh yn Gilgal.

1 Samuel 15:8

Hag ev a gemmeras Agag myghtern an Amalekysi yn few, ha distrui glan oll an bobel dre vin an kledha.