Ester 2:5 - An Bibel Kernewek 20234 (Kernewek Kemmyn)

⁵ Yth esa unn Yedhow yn Shushan an bennsita, Mordekay y hanow, mab Yair mab Shimei mab Kish, Benyaminyas,

Ester 2:5 Iomraidhean Croise

2 Samuel 16:5

Pan dheuth Davydh dhe Bahurim, otta, gour a deylu chi Sowl a dheuth yn-mes, ha'y hanow Shimei mab Gera, hag ev a vollethis hag ev ow mones yn-mes.

2 Myghternedh 24:12

Yehoyakin myghtern Yuda eth yn-mes dhe vyghtern Babylon, ev, ha'y vamm, ha'y wesyon, ha'y bennsevigyon, ha'y soedhogyon; ha myghtern Babylon a'n kemmeras prisner yn ethves blydhen y reyn.

2 Myghternedh 24:15

Ev a dhug Yehoyakin dhe-ves yn divroedh dhe Babylon; hag ev a gemmeras yn divroedh ynwedh dhiworth Yerusalem dhe Babylon mamm an myghtern, gwragedh an myghtern, y spadhesigyon, ha gwelhevin an tir.

Ester 1:2

y'n dydhyow na, pan o an myghtern Ahasuerus esedhys war se y wlaskor, esa yn Shushan an bennsita,

Ester 10:3

Rag y feu Mordekay an Yedhow nessa wosa myghtern Ahasuerus, ha bras yn mysk an Yedhewon, ha meurgerys gans y vreder pals; ow hwilas les y bobel, hag ow kewsel kres dhe oll y has.

Ester 2:3

ha settyes an myghtern soedhogyon yn oll ranndiryow y wlaskor, may kuntellons war-barth oll an gwyrghesow yowynk ha teg bys yn Shushan an bennsita, dhe ji an benynes, yn gwith Hegay, spadhesik an myghtern, gwithyas an benynes; ha'ga oynmentys bedhens res dhedha;

Ester 2:4

ha'n voren a blessyo an myghtern bedhes hi myghternes yn le Vashti.’ Hemma a blesyas an myghtern; hag yndella y hwrug ev.

Ester 5:1

Lemmyn y'n tressa dydh, Ester a wiskas hy dillas ryel; ha sevel a wrug y'n klos pervedhel a balys an myghtern a-dal hel an myghtern. Yth esa an myghtern esedhys war y se ryel y'n hel ryel a-dal porth an palys.

1 Samuel 9:1

Yth esa gour a Benyamin, Kish y hanow, mab Abiel mab Seror mab Bekorath mab Afia, Benyaminyas, gour galloesek.