Ester 2:23 - An Bibel Kernewek 20234 (Kernewek Kemmyn)

²³ Pan veu gwrys hwithrans a-dro dhe'n mater, ha kevys veu bos yndella, kregys vons i aga dew war wydhenn: ha skrifys veu yn lyver an kovadhow a-dherag an myghtern.

Ester 2:23 Iomraidhean Croise

Jenesis 40:19

A-ji dhe drydydh, Faro a dhrehav dha benn dhiworthis ha'th kregi war wydhenn, hag y fydh an ydhyn ow tybri dha gig dhiworthis.’

Jenesis 40:22

Mes ev a grogas chyf an beboryon kepar dell wrussa Yosep styrya dhedha.

Ezra 4:15

may hwiller yn lyver kovadhow dha dasow: yndella ty a gyv yn lyver an kovadhow, ha dyski bos an sita ma sita dhiwostydh, hag a wra pystiga myghternedh ha rannvroyow, hag rebellyans re sordyas ynni a-henys: rakhenna an sita ma a veu difeythys.

Ester 10:2

Oll gweythresow y alloes ha'y nerth, ha'n derivadow kewar a veuredh Mordekay may hwrug an myghtern y avonsya, a nyns yns i skrifys yn lyver kovadhow myghternedh Media ha Persia?

Ester 5:14

Ena yn-medh Zeresh y wreg hag oll y gowetha dhodho, ‘Pareusens gwydhenn hanter-kans kevelin hy ughelder, ha ternos vyttin kows orth an myghtern may fo Mordekay kregys warnedhi: ena ke a-ji yn heudh gans an myghtern dhe'n kevewi.’ An gusul ma a blesyas Haman, ha pareusi an wydhenn a wrug.

Ester 6:1

Y'n nos na, ny allas an myghtern koska, hag ev a erghis kyrghes lyver an kovadhow, skrifow an dydhyow, ha lennys vons a-dherag an myghtern.

Ester 7:10

Ytho, i a grogas Haman war an wydhenn a bareussa ev rag Mordekay, hag yndella koselhes veu konnar an myghtern.

Malaki 3:16

Ena an re a berthi own a'n Arloedh a geskewsi an eyl gans y gila, ha'n Arloedh a woslowas ha klewes. Lyver kovadh a veu skrifys a-ragdho a-dro dhe'n re a berthi own a Arloedh ha prederi a'y Hanow.

Yoshua 8:29

Ev a grogas myghtern Ay war wydhenn bys y'n gorthugher; ha pan sedhis an howl Yoshua a worhemmynnis dhedha hag i a dorras an korf yn-nans a'n wydhenn, ha'y dewlel dhe'n dor orth entrans yet an sita, ha drehevel a-ughto kals bras a veyn, eus ena bys y'n jydh ma.