Ester 2:18 - An Bibel Kernewek 20234 (Kernewek Kemmyn)

¹⁸ Ena an myghtern a wrug kevewi meur rag oll y bennsevigyon ha'y wesyon, an kevewi a Ester; hag ev a wrontyas powes dhiworth tollow dhe'n rannvroyow, hag a brovias rohow gans helder ryel.

Ester 2:18 Iomraidhean Croise

Jenesis 29:22

Ytho Laban a guntellas tus oll an tyller ha gul kevewi.

Nehemia 8:11

Ytho an Levysi a goselhas oll an bobel, ow leverel, ‘Taw taves, rag sans yw an jydh; na vedhewgh grevys.’

Ester 1:7

Hag y feu res dhedha diwes yn lestri owr (ha'n lestri dihaval an eyl dh'y gila), ha palster a win ryel herwydh helder an myghtern.

Ester 9:22

avel an dydhyow may feu dhe'n Yedhewon powes dhiworth aga eskerens, ha'n mis hag a veu treylys ragdha dhiworth ahwer dhe heudhder, ha dhiworth kynvann dhe dhydh da: ma's gwrellens dydhyow a gevewya hag a heudhder, hag a dhannvon rohow a voes an eyl dh'y gila, hag a dhannvon rohow dhe'n voghosogyon.

An Gan a Ganow 3:11

Ewgh yn-mes ha mirewgh, a vyrghes Sion, orth myghtern Solomon gans an gurun may hwrug y vamm y guruna gensi yn dydh y dhemmedhyans, ha'n jydh mayth o lowen y golonn.

An Gan a Ganow 5:1

My re dheuth a-berth y'm lowarth, ow hwoer, ow fries, my re guntellas ow myrr gans ow spis, my re dhybris ow kribenn mel gans ow mel, my re evas ow gwin gans ow leth. Dybrewgh, A gowetha, evewgh, ha bedhewgh medhow dre gerensa.

Matthew 22:2

‘Gwlaskor nev yw hevelebys dhe unn myghtern a wrug goel demmedhyans dh'y vab.

Mark 6:21

Ha pan o devedhys dydh gwiw, Herod a wrug gwledh yn y benn-bloedh dh'y dus vras, dh'y benn-gaptenyon ha dhe welhevin Galile;

Luk 14:8

‘Pan vi gelwys gans nebonan dhe dhemmedhyans, na esedh y'n kynsa tyller, rag own den moy enorys agesos dhe vos gelwys ganso,

Diskwedhyans 11:10

Ha'n re a drig war an nor a wra lowenhe warnedha, ha heudhhe, ha dannvon rohow an eyl dh'y gila, rag an dhew brofoes ma a dormentyas an re usi trigys war an nor.

Diskwedhyans 19:9

Hag ev a leveris dhymm, ‘Skrif: Gwynn aga bys an re gelwys dhe woel demmedhyans an Oen.’ Hag ev a leveris dhymm, ‘An re ma yw gwir lavarow Duw.’

1 Samuel 25:8

Govynn orth dha wesyon, hag i a lever dhis. Rakhenna gas ow gwer yowynk dhe gavoes favour y'th wolok; rag ni re dheuth yn dydh feusik. Ro my a'th pys, pypynag a dheffo dhe'th leuv dhe'th wesyon ha dhe'th vab Davydh.” ’