Ester 2:17 - An Bibel Kernewek 20234 (Kernewek Kemmyn)

¹⁷ Ha'n myghtern a garas Ester dres oll an benynes, ha hi a gavas gras ha favour a-ragdho moy ages oll an gwyrghesow; ytho ev a settyas an tulyfant ryel war hy fenn, ha'y gul myghternes yn le Vashti.

Ester 2:17 Iomraidhean Croise

Ester 1:11

may kyrghens Vashti an vyghternes a-rag an myghtern gans tulyfant ryel, rag diskwedhes hy thekter dhe'n poblow ha dhe'n bennsevigyon; rag y feu hy semlans da dh'y weles.

Ester 2:16

Ytho Ester a veu hembrenkys bys y'n myghtern Ahasuerus yn y ji ryel y'n degves mis, yw an mis Tebeth, yn seythves blydhen y reyn.

Ester 4:14

Rag mar tewydh yn tien y'n eur ma, ha difresyans ha selwyans a dheu dhe'n Yedhewon dhiworth tyller arall, ty ha chi dha das a vydh distruys: ha piw a woer na vesta devedhys dhe'th savla ryel rag termyn a'n par ma?’

Ester 6:8

bedhes kyrghys dillas ryel re wiskas an myghtern, ha'n margh may farghogas an myghtern, mayth eus kurun ryel settys war y benn,

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Ezekiel 17:24

Ena oll gwydh an gwel a woer my dhe vos an Arloedh. My a dhre dhe'n leur an wydhenn hir hag ughelhe an wydhenn isel, my a dhesygh an wydhenn las, ha gul dhe'n wydhenn sygh skylla; My an Arloedh re gewsis ha my a'n gwra.

1 Samuel 2:8

Ev a dhrehav an den gwann yn-mes a'n doust; ev a dhrehav an boghosek yn-mes a'n lusuek, dh'aga settya gans pennsevigyon, ha gul dhedha erita tron a enor. Rag yma selyow an norvys dhe'n Arloedh, hag ev re settyas an norvys warnedha.